Srbuhi Sargsjan (), kjend under artistnamnet Srbuk, er ein armensk songar. Sargsjan vart først kjend i Armenia då ho deltok i den fyrste sesongen av den armenske versjonen av The X Factor, der ho enda på andreplass. I 2018 deltok ho i den åttande sesongen av ukrainske The Voice, og enda på fjerdeplass. Srbuk representerte Armenia i Eurovision Song Contest 2019 i Tel Aviv i Israel med låten «Walking Out».
Bakgrunn Sargsjan vart fødd 3. april 1994 i Jerevan, hovudstaden i Armenia. Ho studerte ved Komitas statlege musikkonservatorium i Jerevan, der ho lærte seg å spela strengeinstrumentetet kanun.
I 2010 prøvesong Srbuk til den fyrste sesongen av armenske The X Factor. Ho song «Soon We'll Be Found» av artisten Sia og vart med på laget til musikaren Garik Papojan. Til slutt enda Srbuk på andreplass i tevlinga. I 2012 skipa Srbuk bandet Allusion, og i 2014 song ho på singelen til Papojan «Boat» – eitt av spora til den russiske filmen Лёгок на помине.
I 2016 gav Srbuk ut debutsingelen sin «Jete karogh es». I 2018 deltok ho i den åttande sesongen av Holos krajiny, der ho hadde den ukrainske songaren Potap som mentor, og enda på fjerdeplass. I november 2018 vart det offentleggjort at Srbuk skulle representere Armenia i Eurovision Song Contest 2019 i Tel Aviv i Israel. Like etter offentleggjeringa, opna Armenias offentlege TV-selskap opp for at låtskrivarar kunne sende inn sine bidrag til Srbuk. Bidraget vart «Walking Out» som Srbuk framførte i semifinale 2. Srbuk og «Walking Out» kom ikkje blant dei ti beste i semifinalen og gjekk dimed ikkje vidare til finalen.
Diskografi
Singlar
Som hovudvokalist TittelÅrAlbum«Jete karogh es»2016 rowspan="3" «Half a Goddess»2018«Walking Out»2019
Som med-artist TittelÅrAlbum«Boat»(Garik Papojan med Srbuk)2014 rowspan="2" «Let Me Down»(Hambik Ashot med Srbuk)2018
Referansar
Denne artikkelen bygger på «Srbuk» frå , den 22. november 2021.
Kategori:Armenske songarar Kategori:Armenske Eurovision Song Contest-deltakarar Kategori:Eurovision Song Contest 2019-deltakarar