Moderata samlingspartiet (m), mest kjent under namnet moderaterna, er eit svensk politisk parti, som vart grunnlagt i 1904 under namnet Allmänna valmansförbundet. Partiet står for liberalkonservatisme og ligg tradisjonelt til høgre i svensk politikk (frå 1938 til 1969 var også ordet «höger» i partinamnet). Det er det tredje største partiet i den svenske riksdagen (etter Sverigedemokraterna og Socialdemokraterna). Før dette var moderaterna i regjering frå 1991 til 1994 (sjå regjeringa Carl Bildt), og frå 2006 var partiet med i den borgarlege koalisjonen Allians för Sverige fram til 2014.
Moderaterna danna i 2022 ei regjering saman med Liberalerne og Kristdemokraterna, og Sverigedemokraterna som støtteparti.
Ideologi Ideologien til moderaterna er offisielt liberalkonservatisme. Om det ideologiske tyngdepunktet ligg på liberalisme eller konservatisme, er omstridt. Somme meiner at partiet i Fredrik Reinfeldt si leiartid gjekk vekk frå nyliberalisme og nærma seg sosialkonservatisme eller sosialliberalisme. Moderaterna har likevel ikkje fått nytt partiprogram, dessutan finst det mange nyliberalistar i leiande posisjonar i partiet. Nyliberalismen dominerer framleis også i ungdomsforbundet MUF. Medlemsbladet til moderaterna heiter Medborgaren.
Namnehistorikk 1904–1938: Allmänna valmansförbundet 1938–1952-1969: Högerns riksorganisation 1952–1969: Högerpartiet 1969– : Moderata samlingspartiet
Partileiarar Gustaf Fredrik Östberg, 1904-1905 Axel Svedelius, 1905-1906 Hugo Tamm, 1907† Gustaf Fredrik Östberg, 1908-1912 Arvid Lindman, 1912-1917 Olof Jonsson i Hov, 1917 Arvid Lindman, 1917-1935 Gösta Bagge, 1935-1944, motkandidat Ivar Anderson Fritiof Domö, 1944-1950 Jarl Hjalmarson, 1950-1961 Gunnar Heckscher, 1961-1965, motkandidat Leif Cassel Yngve Holmberg, 1965-1970 Gösta Bohman, 1970-1981, motkandidat Yngve Holmberg Ulf Adelsohn, 1981-1986 Carl Bildt, 1986-1999, motkandidat Ingegerd Troedsson Bo Lundgren, 1999-2003 Fredrik Reinfeldt, 2003-2015 Anna Kinberg Batra, 2015-2017 Ulf Kristersson, 2017-
Kjelder
Kategori:Svenske politiske parti Kategori:Liberalkonservative parti Kategori:Skipingar i 1904