Vilcabambatistelstjert (Asthenes vilcabambae) er ein fugleart i omnfuglfamilien (Furnariidae). Arten lever på eit svært avgrensa område i Andes i Cuzco-regionen, Peru.
Skildring Dette er ein typisk tistelstjert, kompakt kropp med stutte venger og fliste og kløfta hale som er minst like lang som resten av kroppen. Kroppslengda er tilsaman 18-20 centimeter og kroppsvekta er rundt 20 gram. Undersida er relativt lys grå med svakt skjelmønster. Oversida, venger og hale har ei lite iaugafallande brun farge.
Vilcabambatistelstjerten lever i den nordlege delen av Cordillera Vilcabamba, om lag 100 kilometer vest for byen Cuzco, mellom elvene Apurimac og Urubamba. Habitatet er i eit páramo-økosystem med dvergskog, ca. 2800-3600 moh.
Han har ein song som startar med 3–5 lengre pii-tonar som stig i styrke og går over i ei snøgg trille først med aukande og så synkande frekvens. Kontaktropa er lange med synkande styrke.
Det er elles sparsamt med dokumentasjon på levevis og hekkebiologi for denne arten.
Trass i at utbreiingsområdet er lite, blir arten i følgje Birdlife International rekna som globalt livskraftig, LC.
Kjelder Referansar
Bakgrunnsstoff
Kategori:Omnfuglfamilien Kategori:Fuglar endemiske for Peru Kategori:Fuglar i andesregionen