«Only Daddy That'll Walk the Line» er ein song skriven av Jimmy Bryant. Han vart opphavleg spelt inn av den amerikanske countrysongaren Jim Alley, men gjort kjend av countrymusikaren Waylon Jennings.
Waylon Jennings-versjonen Jennings spelte inn songen 16. april 1968 i RCA Victor Studios i Nashville med Chet Atkins som produsent. Han kom ut i juli 1968 som den andre singelen frå Jennings-albumet Only the Greatest.
Billboard skreiv i meldinga si om albumet at både albumet og «Walk On Out of My Mind» var «typiske for den robuste og overtydande vokalstilen hans.» Nathan Brackett og Christian Hoard i The New Rolling Stone Album Guide skreiv at Jennings «verkeleg byrjar å hevde den grovhogde følsemda si» på songen.
Songen var med i sesong sju episode fem av Mad Men.
Salslister Songen låg 18 veker inne på Hot Country Singles-lista og låg på andreplassen i fem veker. I Canada gjekk songen til topps på RPM Country Tracks-lista i veka som enda 30. september 1968. Liste (1968)PlasseringCanadian RPM Country Tracks1
Linda Ronstadt-versjonen Linda Ronstadt spelte inn ein kjønnsomvendt versjon av songen (sungen som «The Only Mama That'll Walk the Line») i 1969 på albumet hennar Hand Sown ... Home Grown. Songen vart fast på konsertane til Ronstadt dei neste åra. Ho framførte han på The Johnny Cash Show i juni 1969 nesten eitt år før Jennings gjorde det same på same showet.
Hank Williams jr.-versjonen Hank Williams Jr. spelte inn ein versjon av songen på albumet sitt Family Tradition, som kom ut i 1979.
The Kentucky Headhunters-versjonen
I 1991 spelte The Kentucky Headhunters inn ein versjon for albumet Electric Barnyard. Dei gav han ut på singel same året, som då låg sju veker på countrylista og nådde 60. plassen.
Salslister Liste (1991)Plassering
Norsk versjon Rudi Nelson skreiv ein norsk tekst til songen, som fekk tittelen «Han er ikkje god». Songen kom ut på Rudi Nelson-albumet Langs Norskekysten i 2014.
Kjelder
Denne artikkelen bygger på «Only Daddy That'll Walk the Line» frå , den 29. november 2020. oppgav desse kjeldene:
Kategori:Songar frå 1968 Kategori:Singlar frå 1968 Kategori:Singlar frå 1991 Kategori:Waylon Jennings-songar Kategori:Songar produserte av Chet Atkins Kategori:RCA Records Nashville-singlar Kategori:Mercury Records-singlar Kategori:Connie Smith-songar Kategori:Lynn Anderson-songar Kategori:Linda Ronstadt-songar Kategori:Lee Hazlewood-songar Kategori:Jean Shepard-songar Kategori:Hank Williams jr.-songar Kategori:The Kentucky Headhunters-songar Kategori:Ricky Skaggs-songar Kategori:Elvis Costello-songar Kategori:Jack Ingram-songar Kategori:LeAnn Rimes-songar Kategori:Buck Owens-songar Kategori:Randy Travis-songar Kategori:Bobby Bare-songar Kategori:Charlie McCoy-songar