«The Wayfaring Stranger» (òg kjend som «Poor Wayfaring Stranger» eller «I Am a Poor Wayfaring Stranger»), Roud 3339, er ein kjend USA-amerikansk folke- og gospelsong, som truleg oppstod på 1800-taletNorman Cazden, Herbert Haufrecht, Norman Studer. Folk Songs of the Catskills. SUNY Press, 1982. 292-94. om ei enkel sjel på reise gjennom livet. Som med dei fleste folkevisene finst det mange variantar av teksten.
I følgje boka The Makers of the Sacred Harp av David Warren Steel og Richard H. Hulan, vart teksten publisert i 1858 i Bever's Christian Songster. Dette kna ha vore første gongen songen var på trykk på engelsk. Steel og Hulan meiner at songen kan ha kome frå den tyskspråklege salmen «Ich bin ein Gast auf Erden» av Isaac Niswander frå 1816..
Under og i fleire år etter den amerikanske borgarkrigen var teksten kjend som «Libby Prison Hymn». Dette kom av at teksten var rissa inn veggen av ein døyande Union-soldat som sat i Libby Prison, eit frykta sørstatsfengsel i Richmond i Virginia. Det vart trudd at den døyande soldatane hadde skrive songen sjølv for å trøyste ein annan soldat, men sidan songen vart publisert fleire år før borgarkrigen byrja (og før Libby Prison fanst), var ikkje dette tilfelle.
Medlemmar av Western Writers of America valde ut songen som ein av dei 100 beste western-songane gjennom tidene.
Kjende versjonar Den første kjende innspelinga av songen vart gjort av Vaughan's Texas Quartet i 1930, under tittelen The Wayfaring Pilgrim. Denne vart spelt inn 9. oktober 1929. Songen vart ein av signaturlåtane til Burl Ives og kom ut i 1944 på albumet hans The Wayfaring Stranger. Ives nytta det som tittelen på radioprogrammet han hadde på CBS tidleg i 1940-åra og på sjølvbiografien hans frå 1948. Emmylou Harris spelte inn songen i 1980 på albumet hennar Roses in the Snow. Harris si utgåve nådde sjuandeplassen på Billboard Hot Country Singles-lista. Songen gjekk heilt til topps på den kanadiske RPM Country Tracks-lista. Songen, omtalt som «I Am a Poor Wayfaring Stranger», vart nytta i dramafilmen 1917 frå 2019. Han vart der framført av skodespelaren og songaren Jos Slovick. I februar 2020 samla Change.org inn over 2 500 underskrifter for å få filmprodusentane Universal Pictures og DreamWorks Pictures til å gje ut ei full studioinnspeling av framføringa til Slovick. Songen vart òg nytta i videospelet The Last of Us Part II i 2020, der skodespelarane Ashley Johnson og Troy Baker, som rollefigurane Ellie og Joel, framfører songen over rulleteksten med ekstra tekst.
Kjelder
Denne artikkelen bygger på «The Wayfaring Stranger» frå , den 15. november 2020. oppgav desse kjeldene: John F. Garst, «'Poor Wayfaring Stranger'—Early Publications,» The Hymn [A Publication of the Hymn Society in the United States and Canada], vol. 31, no. 2, 1980, pp. 97–101
Bakgrunnsstoff
The Broadman Hymnal 1940 #74 - noteark
Kategori:USA-amerikanske folkeviser Kategori:Gospelsongar Kategori:Burl Ives-songar Kategori:Jo Stafford-songar Kategori:Pete Seeger-songar Kategori:Eddy Arnold-songar Kategori:Tennessee Ernie Ford-songar Kategori:Kitty White-songar Kategori:Bill Monroe-songar Kategori:Roscoe Holcomb-songar Kategori:Ronnie Hawkins-songar Kategori:Frankie Laine-songar Kategori:Odetta-songar Kategori:H.P. Lovecraft-songar Kategori:Joan Baez-songar Kategori:Jerry Reed-songar Kategori:Glen Campbell-songar Kategori:Emmylou Harris-songar Kategori:Alison Krauss-songar Kategori:Tim Buckley-songar Kategori:Dolly Parton-songar Kategori:Eva Cassidy-songar Kategori:Charlie McCoy-songar Kategori:Johnny Cash-songar Kategori:Dusty Springfield-songar Kategori:Jack White-songar Kategori:Rita Eriksen-songar Kategori:The Mormon Tabernacle Choir-songar Kategori:Sixpence None the Richer-songar Kategori:Ed Sheeran-songar Kategori:Neil Young-songar Kategori:Stereotypes-songar Kategori:Duane Eddy-songar Kategori:The Marshall Tucker Band-songar