Alexander Sørloth () er ein norsk fotballspelar frå Trondheim som sidan 2024 har kontrakt med spanske Atlético Madrid. I tida 2016-26 har han spelt 70 landskampar for Noreg. Sørloth er midtspiss og har sin styrke som hovudspelar. Han er son til Gøran Sørloth.
Karriere Klubbspel mini|venstre|Alexander Sørloth i 2025. Sørloth har vore innom ei rad fotballklubbar sidan debuten i Rosenborg BK i 2013. Sesongen 2015 spelte han på Bodø/Glimt, deretter halvtanna år for FC Groningen i Nederland og seks månader på danske FC Midtjylland. År 2018 lukkast han ikkje som Crystal Palace-spelar i England, så vårsesongen 2019 spelte han for belgiske Gent. 2019/20-sesongen hadde han stor suksess med tyrkiske Trabzonspor, ein klubb som vann den tyrkiske cupfinalen 2020, medan Sørloth vart toppskårar i serien med 24 fulltreffarar. I september 2020 skreiv han kontrakt med tyske RB Leipzig. Eit lite år seinare vandra Sørloth vidare til spansk fotball og Real Sociedad der han gjennom to sesongar markerte seg som ein sterk hovudspelar. 2023/24-sesongen imponerte han stort i Villareal-drakta, skåra 23 mål i La Liga, nest mest av alle spelarane. 3. august 2024 vart han overført til storlaget Atlético Madrid mot 32 millionar euro.
Landslagsspel Sørloth debuterte på landslaget i 2016. Fyrst hausten 2019 byrja han markere seg i landskampane. Etter å ha skåra 2 mål i åra 2016-18, fann han vegen til nettmauskane 7 gongar i tida oktober 2019- oktober 2020. År 2025 deltok han i sju av dei åtte kvalifiseringskampane til Fotball-VM 2026 og skåra 5 mål, mellom anna 2 mål då Estland vart slått 4–1 på Ullevål stadion. Per 1. april 2026 stod han med 70 kampar for Noreg og med 26 landslagsmål.
Kjelder
eu-football Denne artikkelen bygger på «Alexander Sørloth» frå , den 24. oktober 2020.
Kategori:Norske landslagsspelarar i fotball Kategori:Groningen-spelarar Kategori:Trabzonspor-spelarar Kategori:Bodø/Glimt-spelarar Kategori:Midtjylland-spelarar Kategori:Gent-spelarar Kategori:Crystal Palace-spelarar Kategori:RB Leipzig-spelarar Kategori:Rosenborg-spelarar Kategori:Real Sociedad-spelarar Kategori:Villarreal-spelarar Kategori:Atlético Madrid-spelarar Kategori:Spelarar i Fotball-VM 2026