Power er det tiande studioalbumet til det amerikanske rockebandet Kansas, gjeve ut i 1986. Det var det første studioalbumet deira for MCA Records.
Eitt og eit halvt år etter Kansas vart oppløyst mot slutten av Drastic Measures-turneen, kom den tidlegare songaren Steve Walsh attende og starta opp att Kansas i lag med dei originale medlemmane Phil Ehart og Rich Williams. Gitaristen Steve Morse, som vart invitert med av Ehart etter at dei to hadde møtt kvarandre på ein konsert i Atlanta, bidrog mykje til låtskrivinga og stilen til den nye besetninga. Bassgitaristen og vokalisten Billy Greer, som hadde arbeidd med Walsh i det kortvarige bandet Streets etter han forlet Kansas i 1981, fullførte den nye besetninga. Det nye Kansas byrja å øve i lag i juli 1985, då Walsh var ferdig med ein turné som musikar for Cheap Trick. Dei gav ut Power året etter.
Det vart laga musikkvideo for singelen «All I Wanted», med forskjellige klipp av kvinner som går og smiler. Berre Walsh og Morse frå bandet var med i videoen. Songen vart miksa av produsenten Humberto Gatica, og vart ein topp 40-hit i USA. Dei neste singlane, «Power» og «Can't Cry Anymore», gjorde det langt dårlegare, men førstnemnde er den siste singelen til Kansas som gjekk inn på Billboard Top 100-lista. Det vart laga ein video med komikaren Richard Belzer for «Can't Cry Anymore».
Mottaking
Xavier Russel skreiv for Kerrang! og kalla den pompøse stilen til Kansas «særs utdatert» og trass i eit par bra rockesongar som «Musicatto», var andre songar «pinlegare enn det som er mogeleg å tenkje seg». AllMusic skreiv at den dramatiske, musikalske endringa til Kansas, var «meir hardrock og pop enn progrock», som «truleg overraska langvarige Kansas-fans» men gav bandet «ei interssant, men til sjuande og sist, kortvarig, ny retning.»
Innhald
Medverkande Kansas Steve Walsh - klaverinstrument, solovokal Steve Morse - sologitar, vokal Rich Williams - gitar Billy Greer - bassgitar, vokal Phil Ehart - trommer, leiande produsent
Andre medverkande The Philarmonia Orchestra arrangert og dirigert av Andrew Powell Gary Chang - klaverinstrument-programmering Travis Bradford, Jerome Olds, Rob Henson, Yonrico Scott, Merle McLain, Doug Baker, Solomon Olds, Cliff Jones - korvokal
Produksjon Andrew Powell - plateprodusent Nigel Walker - lydteknikar, miksing i Jacobs Studio, Farnham, England og Lion Share Studios, Los Angeles Mike Sheady - lydteknikar for orkesteret Humberto Gatica - miksing av «All I Wanted» Keith Odle, Lance Philips, Darrin Goodwin - assisterande lydteknikarar George Marino - mastering i Sterling Sound, New York Andy Engel - design, illustrasjon
Salslister
Album ÅrListePlassering1987Billboard 200 (USA)35RPM100 Albums (Canada)92
Singlar ÅrTittelListePlassering1986«All I Wanted»Mainstream Rock Tracks (USA)101987Adult Contemporary (USA)14Billboard Hot 100 (USA)19RPM100 Singles (Canada)75«Power»Mainstream Rock Tracks (USA)38Billboard Hot 100 (USA)84
Kjelder
Denne artikkelen bygger på «Power (Kansas album)» frå , den 25. mai 2020. oppgav desse kjeldene:
Kategori:Kansas-album Kategori:Musikkalbum frå 1986 Kategori:Album produserte av Andrew Powell Kategori:MCA Records-album