Evenes kommune (nordsamisk: Evenášši suohkan) er ein kommune i Ofoten i Nordland fylke. Kommunen grensar mot Tjeldsund kommune i Troms i nord og i vest, og mot Narvik kommune i aust. Kommunesenteret heiter Bogen.
Kommunevåpenet, som blei godkjend i 1990, viser eit hjul i sølv mot raud bakgrunn. Dette viser til Evenes som kommunikasjonssenter.
Næringsliv og transport
Industrien i kommunen er «beskjeden», ifølgje Store Norske Leksikon. Han ligg først og fremst i Bogen, med metallvareindustri som den viktigste bransjen. Servicenæringane har fått eit oppsving etter at lufthamna i byen opna i 1973, og då Forsvaret etablerte ein militær flystasjon her. I 2014 omfatta transportsektoren 24 prosent av arbeidsplassane i kommunen, og Evenes hadde den klart største delen i denne næringen blant kommunane i Nordland.
Flyplassen Harstad/Narvik lufthamn, Evenes ligg i kommunen. Evenes flystasjon er ein militærbase.
Tettstader i kommunen Bogen Liland
Kjelder
Bakgrunnsstoff
Kategori:Ofoten Kategori:Kommunar i Nordland