Ishockey under vinter-OL 1992 vart arrangert i ein ishall i turistsenteret Méribel i Les Allues kommune i tida frå 8. til 23. februar 1992. Eit mannskap frå det nyleg oppløyste Sovjetsamveldet vann gullmedaljane under den vage nemninga «Samveldet av uavhengige statar». Det eks-sovjetiske laget vann med 3-1 over Canada i finalen. Tsjekkoslovakia tok bronseplassen etter 6-1 over USA.
Turneringa 12 land deltok i turneringa, som tok til med ein opningsrunde med seks lag likt fordelt på to grupper. Dei fire beste laga i kvar av gruppene gjekk vidare til utslagsspel, der laga fekk kvartfinalemotstandar basert på plassering i gruppene.
Kvartfinalane Canada – Tyskland 4-3 eeo USA – Frankrike 4-1 «Sovjetsamveldet» – Finland 6-1 Tsjekkoslovakia – Sverige 3-1
Semifinalane Canada – Tsjekkoslovakia 4-2 «Sovjetsamveldet» – USA 5-2
Finalen «Sovjetsamveldet» – Canada 3-1
Etter to mållause periodar skåra Vjatsjeslav Butsajev for det sovjetiske laget tidleg i den tredje perioden, klokka viste 41.01. Eit knapt kvarter skulle gå før lagkameraten Igor Boldin la på til 2-0 etter 55.54 minutts spel. Deretter reduserte Chris Lindberg til 1-2 ved 57.20, og så var Vjatsjeslav Bykov frampå etter 58.51 minutts tid og fastsette resultatet til 3-1.
6 100 tilskodarar var på plass i ishallen i Méribel, fullt hus.
«Sovjetsamveldet» sitt meistermannskap Målvakter: Nikolaj Khabibulin, Mikhail Sjtalenkov, Andrej Trefilov Forsvarar: Sergej Bautin, Dmitrij Jusjkevitsj, Vladimir Malakhov, Dmitrij Mironov, Darius Kasparaitis, Igor Kravtsjuk, Oleksij Zjytnyk, Sergej Zubov Løparar: Igor Boldin, Nikolaj Borstsjevskij, Vjatsjeslav Butsajev, Vjatsjeslav Bykov, Andrej Khomutov, Jevgenij Davydov, Jurij Khmyljov, Andrej Kovalenko, Aleksej Kovaljov, Sergej Petrenko, Vitalij Prokhorov, Aleksej Zjamnov
Kjelder
Denne artikkelen bygger på «Olympische Winterspiele 1992/Eishockey» frå , den 10. april 2020.
Kategori:Øvingar under vinter-OL 1992 Kategori:Ishockey under OL Kategori:Ishockey i 1992