Aaron Klug () var ein litauiskfødd britisk kjemikar og biolog. I 1982 vart han tildelt Nobelprisen i kjemi. Han fekk prisen for arbeidet sitt med utvikling av elektronmikroskop og den strukturelle forklaringa si av biologisk viktige nukleinsyreprotein.
Bakgrunn Klug vart fødd i Želva i Litauen. Foreldra var jødiske og heitte Lazar og Bella (fødd Silin) Klug. Saman med foreldra sine flytta han til Sør-Afrika då han var to år gammal.
Han vart sterkt fascinert av boka Mikrobejegerane av Paul de Kruif. Han studerte medisin ved University of Witwatersrand i Johannesburg; han var særleg oppteken av kjemi, matematikk og fysikk. Så gjekk han vidare med krystallografi ved University of Cape Town. Han skreiv diplomarbeidet sitt under R. W. James om røntgenstrukturundersøkingar på krystall.
Etter studia i Sør-Afrika flytta han til England og fullførte doktorgraden sin ved Trinity College, Cambridge i 1953.
Forsking Han gjekk vidare til Birkbeck College ved University of London på slutten av 1953. I London arbeidde han saman med Rosalind Franklin ved John Bernals laboratorium. Dette arbeidet vekte ei livslang interesse for studium av virus og i denne perioden oppdaga han strukturen til tobakkmosaikkviruset. I 1962 byrja han ved det nyoppretta MRC Laboratory of Molecular Biology i Cambridge. I løpet av det neste tiåret nytta Klug metodar som røntgenkrystallografi, mikroskop og strukturmodellar til å utvikla eit elektronmikroskop. Dette mikroskopet dannar ein sekvens med todimensjonale bilete av krystall teke frå ulike vinklar for å danna tredimensjonale bilete av objektet.
Han mottok Louisa Gross Horwitz Prize av Columbia University i 1981. Frå 1986 til 1996 var han direktør ved Laboratory of Molecular Biology i Cambridge. Han vart slegen til riddar av dronning Elizabeth II i 1988. Han vart utnemnd til president av Royal Society og virka frå 1995 til 2000. Han vart tildelt Order of Merit i 1995 – dette er skikken for presidentane av Royal Society. Han var òg medlem av det vitskaplege styret ved Scripps Research Institute.
I 2005 vart han tildelt den sørafrikanske Mapungubwe-ordenen i gull for sine bidrag innanfor medisinsk forsking.
Prisar og utmerkingar (utval) 1982 – Nobelprisen i kjemi
Kjelder
Denne artikkelen bygger på «Aaron Klug» frå , den 1. januar 2020.
Bakgrunnsstoff
Aaron Klug interviews med Harry Kroto Aaron Klug article av Bob Weintraub. The Official Site of Louisa Gross Horwitz Prize Aaron Klug interviewed by Alan Macfarlane 11 December 2007 (film)
Kategori:Folk frå Johannesburg Kategori:Medlemmar av Det franske vitskapsakademiet Kategori:Order of Merit Kategori:Presidentar i Royal Society Kategori:Nobelprisen i kjemi Kategori:Jødiske nobelprisvinnarar Kategori:Britiske nobelprisvinnarar Kategori:Sørafrikanske nobelprisvinnarar Kategori:Utdanna ved Trinity College, Cambridge Kategori:Engelske biofysikarar Kategori:Engelske kjemikarar Kategori:Engelske jødar Kategori:Engelske nobelprisvinnarar Kategori:Medlemmar av Royal Society Kategori:Medlemmar av Academy of Medical Sciences Kategori:Medlemmar av United States National Academy of Sciences Kategori:Jødiske kjemikarar Kategori:Knights Bachelor Kategori:Copleymedaljen Kategori:Heineken-prisen Kategori:Sørafrikanske jødar Kategori:Sørafrikanske kjemikarar Kategori:Scripps Research Institute Kategori:Medlemmar av Royal Microscopical Society