Martin Hoffmann () er ein tysk tidlegare fotballspelar frå Gommern i Sachsen-Anhalt som vann olympisk gullmedalje med Aust-Tyskland sitt landslag under Sommar-OL 1976 i Montréal og i 1974 cupvinnarcupen med FC Magdeburg.
Klubbspel Hoffmann var ein kjapp venstreveng på FC Magdeburg frå 1973 til 1985. Han var i denne perioden med om å vinne cupvinnarcupen i 1974, den austtyske ligaen to gongar og nasjonal seriemeister tre gongar.
Landslagsspel Hoffmann deltok i 66 landskampar for Aust-Tyskland i åra frå 1973 til 1981 og skåra 16 mål. Sommaren 1974 spelte han i alle seks VM-kampane til det austtyske laget då Fotball-VM 1974 fann stad i Vest-Tyskland, ein meisterskap der han noterte seg for sitt fyrste landslagsmål, då det vart 1-1 mot Chile i gruppespelet. Under dei olympiske sommarleikane 1976 skåra Hoffmann det andre målet då Aust-Tyskland vann OL-finalen med 3-1 over Polen framfor 71 617 tilskodar på Olympic Stadium i Montréal.
Merittar OL-gull: 1976 for Aust-Tyskland Vinnar av cupvinnarcupen: 1974 med FC Magdeburg Austtysk ligameister: 1974 og 1975 med FC Magdeburg Austtysk cupmeister: 1978, 1979 og 1983 med FC Magdeburg
Kjelder Denne artikkelen bygger på «Martin Hoffmann (Fußballspieler)» frå , den 22. oktober 2018.
eu-football
Kategori:Tyske fotballspelarar Kategori:Magdeburg-spelarar Kategori:Spelarar i Fotball-VM 1974 Kategori:Olympiske meistrar for Aust-Tyskland Kategori:Medaljevinnarar under sommar-OL 1976 Kategori:Austtyske deltakarar under sommar-OL 1976 Kategori:Fotballspelarar under sommar-OL 1976