Hooker 'n Heat er eit dobbeltalbum av blueslegenda John Lee Hooker og bluesrockbandet Canned Heat frå tidleg 1971. Det var det siste studioalbumet med munnspelspelaren, gitaristen og låtskrivaren Alan Wilson, som døydde i september 1970 av ein overdose. Biletet på framsida av plateomslaget vart teke etter Wilson var død, men biletet av han er å sjå på veggen bak John Lee Hooker. Gitaristen Henry Vestine var heller ikkje til stades då biletet vart teke. Personen som står føre vindauget, for Vestine, er manageren deira, Skip Taylor.
Dei første seks spora på albumet er berre framført av Hooker aleine på gitar og vokal. På dei neste seks songane er Alan Wilson med på munnspel eller piano, medan heile bandet, utanom Bob Hite, som var produsent på innspelinga, spelte på dei resterande songane.
Det var det første albumet til Hooker som gjekk inn på albumlista i USA, då det nådde 78. plassen på Billboard-lista.
Innhald
Medverkande John Lee Hooker - gitar (alle spor), vokal (alle spor), rytmegitar (spor 13), sologitar (spor 16) Alan Wilson - munnspel (spor 7-9, 13-15, 17), piano (spor 10-11), gitar (spor 12), rytmegitar (spor 16) Henry Vestine - sologitar (spor 13-15, 17) Antonio de la Barreda - bass (spor 13-17) Adolfo de la Parra - trommer (spor 13-17)
Kjelder Denne artikkelen bygger på «Hooker 'n Heat» frå , den 27. august 2018. oppgav desse kjeldene:
Kategori:Musikkalbum frå 1970 Kategori:John Lee Hooker-album Kategori:Canned Heat-album Kategori:Liberty Records-album Kategori:Samarbeidsalbum Kategori:Elektra Records-album Kategori:Album produserte av Bob Hite