Erich Arthur Fritz Schwab () var ein sveitsisk friidrettsutøver som i 1950 vart europameister i 10 kilometer kappgang. Elles vann han sølv i same øvinga under EM 1946 og Sommar-OL 1952, samt OL-bronse i 1948. Far hans, Arthur Schwab, tok sølvmedaljen i 50 km kappgang under Sommar-OL 1936 i Berlin, byen der Fritz Schwab vart fødd.
Aktiv Fritz Schwab vart andremann på 10 km då europameisterskapen 1946 fann stad på Bislett Stadion i Oslo, langt bak vinnaren frå Sverige, John Mikaelsson. To år etter fekk Schwab den olympiske bronsemedaljen i same øvinga under Sommar-OL 1948 i London, svenskane John Mikaelsson og Ingemar Johansson kom i mål framom han. Ved EM i friidrett 1950 i Brussel gjekk Schwab inn til gullmedalje på 10-kilometeren, 15 sekundar føre Emile Maggi frå Frankrike og med Mikaelsson på tredjeplass. I sitt siste Sommar-OL i Helsinki sommaren 1952 kneip Schwab sølvmedaljen på 10 km, han og bronsevinnar Bruno Junk frå Sovjetunionen fekk same tid, atter ein gong gjekk gullmedaljen til John Mikaelsson.
Medaljar og plasseringar i internasjonale meisterskap EM 1946 i Oslo: Sølvmedalje – 47.03,6, bakom John Mikaelsson (46.05,2) OL 1948 i London: Bronsemedalje - 46.00,2 EM 1950 i Brussel: Gullmedalje – 46.01,8, framom Emile Maggi (46.16,8) OL 1952 i Helsinki: Sølvmedalje – 45.41,0, bakom John Mikaelsson (45.02,8) EM 1954 i Bern: Nr 8 - 47.21,6
Kjelder
Denne artikkelen bygger på «Fritz Schwab» frå , den 3. august 2018.
World Athletics
Kategori:Sveitsiske friidrettsutøvarar Kategori:Kappgjengarar Kategori:Olympiske sølvmedaljevinnarar for Sveits Kategori:Olympiske bronsemedaljevinnarar for Sveits Kategori:Medaljevinnarar under sommar-OL 1948 Kategori:Sveitsiske deltakarar under sommar-OL 1948 Kategori:Friidrettsutøvarar under sommar-OL 1948 Kategori:Medaljevinnarar under sommar-OL 1952 Kategori:Sveitsiske deltakarar under sommar-OL 1952 Kategori:Friidrettsutøvarar under sommar-OL 1952