Hanna Anatolijivna Kasjanova, fødd Melnytsjenko, () er ein ukrainsk tidlegare friidrettsutøvar, fødd i Tblisi i Georgia, som i 2013 vart verdsmeister i sjukamp i Moskva der ho sette personleg rekord med 6 586 poeng.
Aktiv Melnytsjenko vart i juli 2003 ukrainsk meister i sjukamp med til saman 5 523 poeng. Tre år seinare overskreid ho 6 000-poengsgrensa for fyrste gong då ho i ei tevling i Arles i 2006 sanka 6 055 poeng. Året etter forbetra ho under Europacupen i Stettin sitt personbeste til 6 143 poeng. I juli 2008 i Kiev auka ho poengskåren til 6 348 poeng. Sommaren 2009 kom ho på andreplassen ved mangekampstemnet i Götzis, etter å ha oppnådd 6 445 poeng. Nesten like mange poeng, 6 414, klarte ho då ho vart nummer seks i VM i Berlin.
Melnytsjenko enda på tiandeplassen i sjukampen under sommar-OL 2012 i London. Etter å ha vorte nummer tre i femkampen ved innandørs-EM 2013 i mars med 4 604 poeng, gjorde ho under verdsmeisterskapen i Moskva i august 2013 sitt livs beste sjukampserie. Med 6 586 poeng gjekk ho overraskande nok heilt til topps i tevlinga og vart tildelt gullmedaljen, 56 poeng føre kanadiske Brianne Theisen-Eaton.
Sidan 2014 er ho gift med den ukrainske mangekjemparen Oleksij Kasjanov.
Medaljar og plasseringar i internasjonale meisterskap EM 2006 i Göteborg: Nr 16 – 5 942 poeng VM 2007 i Osaka: Braut etter fyrste øvinga OL 2008 i Beijing: Nr 14 – 6 165 poeng VM 2009 i Berlin: Nr 6 – 6 414 poeng EM 2010 i Barcelona: Braut etter fem øvingar OL 2012 i London: Nr 10 – 6 392 poeng VM 2013 i Moskva: Gullmedalje – 6 586 poeng, framom Brianne Theisen-Eaton (6 530 poeng) OL 2016 i Rio de Janeiro: Nr 25 – 5 951 poeng
Kjelder
Denne artikkelen bygger på «Hanna Kasjanowa» frå , den 24. juli 2021.
World Athletics
Kategori:Ukrainske mangekjemparar Kategori:Verdsmeistrar i friidrett Kategori:Ukrainske deltakarar under sommar-OL 2008 Kategori:Friidrettsutøvarar under sommar-OL 2008 Kategori:Ukrainske deltakarar under sommar-OL 2012 Kategori:Friidrettsutøvarar under sommar-OL 2012 Kategori:Ukrainske deltakarar under sommar-OL 2016 Kategori:Friidrettsutøvarar under sommar-OL 2016