«Mull of Kintyre» er ein song av rockebandet Wings skriven av Paul McCartney og Denny Laine. Songen vart skriven som ei hyllest til Kintyre-halvøya i Skotland og neset Mull of Kintyre, der McCartney hadde eigd High Park Farm sidan 1966. Songen vart den største hitten til Wings i Storbritannia, der han låg på toppen av singellista juleveka 1977, og vart den førte singelen som selde over to millionar eksemplar i landet.
Historie
«Mull of Kintyre» vart spelt inn 9. august 1977 i Spirit of Ranachan Studio i High Park Farm i Skottland, under ein pause i innspelinga av London Town då Linda McCartney var høggravid. Campbeltown Pipe Band frå nærliggande Campbeltown spelar sekkepiper på songen. Vokalen og den akustiske gitaren til McCartney vart spelt inn utandørs.Luca Perasi, Paul McCartney: Recording Sessions (1969-2013), L.I.L.Y. Publishing, 2013, , s. 163. «Mull of Kintyre» og «Girls' School» (ein rockelåt tidlegare spelt inn for London Town) kom ut som ein dobbel A-side-singel den 11. november 1977. Songen vart gjeven ut på samlealbumet Wings Greatest i 1978, All the Best! i 1987, Wingspan: Hits and History i 2001 og Pure McCartney i 2016.
Mottaking I Storbritannia låg singelen ni veker på toppen av singellista, mellom anna over juleveka. Det vart òg ein internasjonal hit og nådde høgt på lista i Australia og fleire andre land i jula 1977. Han vart den første singelen som selde over to millionar eksemplar i Storbritannia aleine og vart då den bestseljande singelen, føre The Beatles sin «She Loves You»). Rekorden vart seinare slått av Band Aid sin «Do They Know It's Christmas?» i 1984 (som òg hadde ein McCartney-song som B-side).McCartney: Songwriter s. 121 Songen har 2,08 millionar eksemplar i Storbritannia.
Songen vart ikkje ein stor hit i Nord-Amerika, der «Girls' School» vart meir spelt på radio og nådde 33. plassen på Billboard Hot 100 og 34. plass på den kanadiske RPM-lista. «Mull of Kintyre» vart ikkje ein hit i det heile i USA, men nådde 45. plassen på Easy Listening-lista.
Andre versjonar Glen Campbell spelte inn songen i 1982 på albumet Old Home Town. På konsertar spelte Campbell ofte sekkepipe sjølve.
Cheyenne Kimball spelte inn songen på albumet «Let Us In» Nashville – A Tribute to Linda McCartney, i 2011.
Wings-medlemmet Denny Laine spelte inn «Mull of Kintyre» i 2007 på albumet sitt Performs the Hits of Wings.
Den irske songgruppa Celtic Thunder pelte songen på den første konsert-DVD-en sin, Celtic Thunder: The Show» frå 2008.
Charlie Gracie og gruppa Clutch Cargo spelte inn songen som ein veldedig singel i 2012.
Den franske arrangøren og komponisten Franck Pourcel spelte inn ein orkesterversjon av songen i 1977.
Susan Boyle framførte songen under opningsseremonien til Samveldeleikane 2014 i Glasgow den 23. juli 2014.
Medverkande Paul McCartney – solovokal, akustisk bassgitar, akustisk gitar Linda McCartney – korvokal, perkusjon Denny Laine – korvokal, akustisk and elektrisk gitar Campbeltown Pipe Band – sekkepipe og trommer
Salslister
Vekeslister Liste (1977-78)PlasseringUK Singles Chart1Australske Kent Music Report 1Den austerrikske singellista1Den belgiske singellista1Canada RPM Hot 10044Den nederlandske singellista1Den tyske Media Control-lista1Irish Singles Chart1New Zealand (RIANZ)1Den norske VG-lista2Den svenske singellista14Den sveitsiske singellista1Den japanske Oricon-lista69US Billboard Adult ContemporaryJoel Whitburn's Top Pop Singles 1955-1990 - 45
Årslister Liste (1977)PlasseringStorbritannia1 Liste (1978)PlasseringAustralia 2New Zealand3SveitsSwiss Year-End Charts, 19784
Salstrofé
Kjelder
Denne artikkelen bygger på «Mull of Kintyre (song)» frå , den 21. mai 2018.
Kategori:Paul McCartney-songar Kategori:Wings-songar Kategori:Singlar frå 1977 Kategori:Songar skrivne av Paul McCartney Kategori:Capitol Records-singlar Kategori:Songar produserte av Paul McCartney Kategori:Songar skrivne av Denny Laine Kategori:Nummer-ein-singlar i Storbritannia Kategori:Nummer-ein-singlar i Nederland Kategori:Nummer-ein-singlar i Australia Kategori:Nummer-ein-singlar i Tyskland Kategori:Nummer-ein-singlar i Sveits Kategori:Nummer-ein-singlar i Irland Kategori:Musikkvideoar regisserte av Michael Lindsay-Hogg Kategori:Songar frå 1977 Kategori:Songar om Skottland Kategori:Glen Campbell-songar Kategori:James Last-songar Kategori:Kelly Family-songar Kategori:Susan Boyle-songar