Future er det tredje studioalbumet til det amerikanske garasjerockbandet The Seeds. Albumet var eit markante skifte i den musikalske retninga til bandet, bort frå garasjerock til meir eksperimentering med psykedelisk rock. Då albumet kom ut i 1967 nådde det Topp 100 på Billboard 200, men singelen deira, «A Thousand Shadows», vart ein mindre suksess enn dei tidlegare hittane til The Seeds.
Bakgrunn
The Seeds gjekk inn i 1967 som eit etablert band med nasjonale hittar, inkludert «Pushin' Too Hard», og to solide album. Med ny manager, Lord Tim Hudson, og eit rykte for ville konsertframføringar, hadde bandet ein god profil i media. Bandet gjekk i studio med håp om å utnytte suksessen dei hadde hatt og skape ein meir sofistikert stil.
Innspelinga byrja i Gold Star Studios så tidleg som 3. november 1966, men det meste av innspelinga vart gjort i 1967. Den første innspelinga var «Travel With Your Mind», og den einaste som vart fullført i 1966. Denne stod i kontrast til dei seinare innspelingane. Prosjektet var ferdig den 6. juni 1967 og den siste innspelte songen var «March of the Flower Children». The Seeds, hovudsakleg styrt av Sky Saxon brukte orkester og klassiske instrument i eit psykedelisk format. Samanlikna med dei tidlegare songane deira vart musikken meir kompleks og dei brukte meir overdubbing. Saxon hadde omfamna det psykedeliske miljøet og gjorde eit forsøk på sjangeren, blanda med sin eigen stil.
Utgjeving
Future kom ut i august 1967 på GNP, og gjorde det dårlegare enn dei tidlegare albuma på albumlista med ein 87. plass på Billboard 200. Den første singelen frå albumet, «A Thousand Shadows», gjorde det litt betre enn den førre singelen deira, «Mr. Farmer», men nådde ikkje høgare enn 72. plassen på Billboard Hot 100. Future var det siste Seeds-albumet som gjekk inn på den nasjonale albumlista, og har fått noko negativ omtale. I 2013 vart Future gjeve ut på ny på Big Beats med unytta opptak, alternative versjonar og omfattande notat av Alec Palao.
Innhald
Bonusspor på 2013-utgåva
Plate ein: monomiksar «Chocolate River» - [mono] «Sad and Alone» - [mono] «The Wind Blows Your Hair» (version 2) - [mono] «Travel with Your Mind» - [mono] «Painted Doll» - [mono] «Flower Lady and Her Assistant» - [mono] «Now a Man» - [mono] «Two Fingers Pointing on You» - [mono] «Where Is the Entrance Way to Play» - [mono] «Six Dreams» (alternate mix) - [mono] «Fallin'» - [mono] «The Navy Swings» - [mono]
Plate to: Contact High — andre opptak frå Future-innspelinga «Rides Too Long» «Chocolate River» «Flower Lady and Her Assistant» (take 1) «Where Is the Entrance Way to Play» (alternate mix) «Sad and Alone» «Contact High» (take 1) «Travel With Your Mind» (alternate mix) «Six Dreams» (take 4) «Two Fingers Pointing on You» (take 1) «The Wind Blows Your Hair» (version 2) «March of the Flower Children» (alternate mix) «A Thousand Shadows» (take 7) «Gypsy Plays His Drums» (version 1) «Satisfy You» (version 1) «900 Million People Daily All Making Love» (full length version)
Medverkande
Sky Saxon - solovokal, bassgitar, plateomslag Jan Savage - sologitar, gong, korvokal Harvey Sharpe - bassgitar Daryl Hooper - orgel, sitar, piano, korvokal Rick Andridge - trommer, korvokal Doc Siegel - lydteknikar
Kjelder Denne artikkelen bygger på «Future (The Seeds album)» frå , den 30. april 2018. oppgav desse kjeldene:
Kategori:Musikkalbum frå 1967 Kategori:The Seeds-album Kategori:GNP Crescendo Record Co.-album