Harald Natvig () var ein norsk lege og konkurranseskyttar, fødd i Stavanger. Han vann to olympiske gullmedaljar i skyting i 1920 og éin i 1924.
Natvig var son til ein skipper og skipsreiar. Han voks opp i Kristiansand og utdanna seg til cand.med. i 1898 og dr.med. i 1906. Natvig busette seg i Oslo og arbeidde mellom anna ved Rikshospitalet og ved fødselsstiftelsen i hovudstaden, overlækjar frå 1930.
Natvig var ein av dei beste skyttarane i Noreg på 1920-talet. Under Sommar-OL 1920 var han med på det norske firemannslaget som vann hjorteskytinga både i enkeltskot og dobbeltskot, dessutan fekk han bronsemedaljen individuelt i enkeltskot. Fire år seinare var han med å forsvare den norske OL-tittelen i enkeltskot lag.
Kjelder Norsk Allkunnebok. VIII. bandet. 1958.
Kategori:Norske legar Kategori:Norske skyttarar Kategori:Olympiske meistrar for Noreg Kategori:Folk frå Kristiansand