Marcus Frederik Steen Grønvold () var ein norsk kunstnar. Han måla realistiske portrett og landskap.
Bakgrunn Grønvold var fødd i Bergen som son av soknepresten Christian August Grønvold (1810–1889). Han var bror av målaren Bernt Grønvold og skulemannen, forfattaren og museumsmannen Didrik Grønvold.
Utdanning og virke mini|venstre|Trapp i Rosendal Baroni (1903)
Marcus Grønvold gjekk i lære under Johan Losting og Frants Bøe i Bergen i 1865. Han studerte ved Kunstakademiet i København frå 1866 til 1869 saman med August Schneider og Christian Meyer Ross.
Han hadde ei rekkje reisestipend med opphald i Hallingdal (1869), Setesdal (1871), Bayern (1871), Sveits, Tyskland og Italia (1875) og Paris (1878). Han studerte i München under Karl Piloty frå 1874 til 1877. Deretter oppheldt han seg i Düsseldorf i 1880. Grønvold slo seg endeleg ned i München 1881.
På 1870-talet var fargane hans mørke, etter tysk tradisjon, medan han let seg inspirera av den lysare franske målarskulen på 1880-talet.Marcus Grønvold - Norsk kunstnerleksikon, besøkt 20. oktober 2018. I 1880-åra utførte han reiser i Sør-Tyrol, Sveits, Tyskland, Venezia, Roma, Austerrike (Kãrnten), og nye reiser i Tyskland (Franken og Chiemsee) fram mot fyrste verdskrigen.
I 1925 gav han ut minnebiografien Fra Ulrikken til Alperne.
To av verka til Grønvold, figurstudiar frå ei reise i Setesdal, er i samlinga til det norske Nasjonalgalleriet. Det er også måleri av Grønvold ved Bergen Billedgalleri, eit portrett av målaren Knud Baade, og på Myren gård i Kristiansand. Det heng eit sjølvportrett av Grønvold frå 1878 i arbeidsrommet til Henrik Ibsen i Arbins gate, saman med eit portrett Grønvold måla av Sigurd Ibsen i 1875.
Galleri
Kjelder
Denne artikkelen bygger på «Marcus Grønvold» frå , den 17. februar 2018. Bakgrunnsstoff
Kategori:Norske målarar på 1800-talet Kategori:Norske målarar på 1900-talet Kategori:Folk frå Bergen Kategori:Realistiske kunstmålarar