Hyske eller Hysket (dialektisk høskje) er ein øydegard på nordsida av Geirangerfjorden, i Stranda kommune i Møre og Romsdal fylke.
Garden er nemnt i skattemanntalet for 1603«Øydebruk i Sunnylven og Geiranger», side 46 og ein veit ikkje når dei siste flytta derifrå. Han vart nemnt som øydegard i 1606/7Hørsche Ødegard Lensrekneskap 1606/07 for Sunnmøre (avskrift 2004 v/ Ivar S. Ertesvåg) og seinare i 1767. Etter ei overlevering skal der ein gong i tida ha vore ein stor og god gard, og ein marknadsplassEtter Jørgen Gjerding, vart namnet på garden tidlegare skrive som «Hørrische» (1603) og «Horrschie» (1613). Det er uvisst kva namnet tyder, men det kan ha samanheng med dei norrøne orda hross (hest) og skeið (skeid, kapprenn) og dermed vise til ein stad med hestemarknad og hestekampar., men seinare vart han øydelagt av skred. Ein gong på 1500-talet eller før, skal ÅrsetfjelletÅrsetfjellet ligg rett opp for Hyske, nedanfor den øvste og siste svingen av Ørnevegen. (ved garden Årset) ha rasa ut og heile garden, med markar, hus, folk og dyr, skal ha blitt sopt ut i fjorden. Ein kan sjølvsagt ikkje utan vidare feste lit til ei slik historie, men undersøkingar som NGU har gjort i nyare tid viser at eit stort skred verkeleg har gått ut i fjorden, nett der tunet på Hyske ein gong kan ha lege«Skredulykker i Norge», side 148. Skredet var truleg mellom dei største skredulukkene vi kjenner til i Noreg.
Steinruinar etter 3-4 hus er å sjå på staden i dag, og dei kan ha samanheng med at plassen på 1600- og 1700-talet skal ha blitt nytta av ungfolk i kortare periodar, til dei fann seg ein betre stad å bu.
Hyskjet naturreservatHyskjet naturreservat Lovdata (Areal: ca. 525 dekar) vart oppretta 27. juni 2003, med det føremål å ta vare på ein av dei best utvikla edellauvskogane i fjordstroka på Sunnmøre, med det naturlege plante- og dyrelivet.
Notar
Referansar
Bakgrunnsstoff
Hysket Naturbase, Miljødirektoratet Verdsarv Vestnorsk fjordlandskap - innskrive på UNESCO si Verdsarvliste 14. juli 2005.
Kategori:Kulturminne i Stranda Kategori:Storfjorden på Sunnmøre Kategori:Gardar i Møre og Romsdal Kategori:Ras i Noreg