«Brown Eyed Handsome Man» er ein rock and roll-song skriven og spelt inn av Chuck Berry, først gjeven ut av Chess Records i september 1956 som B-sida til «Too Much Monkey Business». Han vart òg gjeven ut på debutalbumet til Berry i 1957, After School Session. Tittelen på songen vart seinare nytta som tittelen på ein biografi om Berry.Pegg, Bruce (2002). Brown Eyed Handsome Man: The Life and Hard Times of Chuck Berry: An Unauthorized Biography. Routledge.
Bakgrunn og innspeling «Brown Eyed Handsome Man» vart skriven etter Berry hadde vitja fleire afroamerikanske og latinamerikanske område i California. Medan han var der såg han ein latinamerikansk mann som vart arrestert då «ei kvinne kom ropande om at politimannen måtte la han gå».
«Brown Eyed Handsome Man» vart spelt inn 16. april 1956 i Chicago i Illinois. Innspelinga vart produsert av Chess-brørne, Leonard og Phil. Med seg på innspelinga hadde Berry Johnnie Johnson på piano, L. C. Davis på tenorsaksofon, Willie Dixon på bass og Fred Below på trommer.
Songen kom ut i september 1956 og nådde femteplassen på Billboard si R&B Singles-liste seinare på året.
Andre versjonar Songen er blitt spelt av mange andre artistar, som Buddy Holly. Han nådde topp 5 på singellista i Storbritannia i 1963, etter han var død, med songen, som vart gjeven ut på albumet Reminiscing.McAleer, Dave (2004). Hit Singles: Top 20 Charts From 1954 to the Present Day. Hal Leonard. p. 84. Johnny Rivers spelte òg inn songen, for det første albumet sitt, At the Whisky à Go Go, i 1964. Nina Simone spelte inn songen i 1967 for albumet High Priestess of Soul og Waylon Jennings gav songen ut på singel frå albumet Waylon i 1970. Songen vart òg spelt av Robert Cray i 1987 på eit live hyllestalbum til Berry, Hail! Hail! Rock 'n' Roll og av Paul McCartney i 1999 på albumet Run Devil Run. McCartney gav òg ut songen på singel med «No Other Baby».
Songen vart framført av den såkalla «Million Dollar Quartet»: Johnny Cash, Carl Perkins, Jerry Lee Lewis og Elvis Presley under ein jam 4. desember 1956.The Million Dollar Quartet. Henta 27. juni 2017. Lewis gav òg ut ein soloversjon av songen i 1970 på albumet She Even Woke Me Up to Say Goodbye.Jerry Lee Lewis. She Even Woke Me Up to Say Goodbye. Henta 27. juni 2017. Cash spelte inn songen med Perkins og denne vart gjeven ut på det posthume albumet Unearthed i 2003. «Brown Eyed Handsome Man» vart framført i Broadway-musikalen Million Dollar Quartet, som opna i New York i april 2010,Zielinski, Peter James. "Photo Coverage: Million Dollar Quartet Opens on Broadway». Posted April 12, 2010. og var med på albumet Million Dollar Quartet, spelt inn av den originale Broadway-besetninga med Lance Guest som Johnny Cash, Robert Britton Lyons som Carl Perkins, Levi Kreis som Jerry Lee Lewis og Eddie Clendening som Elvis Presley.“Song List” and “Performing Credits”. Million Dollar Quartet (2010). CD booklet. p. 5. New York: Avatar Studios; Chicago: Chicago Recording Company.
Kjelder Denne artikkelen bygger på «Brown Eyed Handsome Man» frå , den 27. juni 2017. oppgav desse kjeldene:
Bakgrunnsstoff
Kategori:Songar frå 1956 Kategori:Singlar frå 1956 Kategori:Songar skrivne av Chuck Berry Kategori:Chuck Berry-songar Kategori:Buddy Holly-songar Kategori:Johnny Rivers-songar Kategori:Nina Simone-songar Kategori:Paul McCartney-songar Kategori:Waylon Jennings-songar Kategori:Johnny Cash-songar Kategori:Carl Perkins-songar Kategori:Jerry Lee Lewis-songar Kategori:Wanda Jackson-songar Kategori:Taj Mahal-songar Kategori:Tanya Tucker-songar Kategori:Hank Marvin-songar Kategori:Chess Records-singlar Kategori:Coral Records-singlar 383