Jakob Krefting Bonnevie () var ein norsk embetsmann, stiftamtmann og amtmann i Lister og Mandals amt frå 1871 til han døydde.
Bonnevie var fødd på storgarden Falkensten, ein såkalla herregard i Borre i dagens Vestfold, der faren sat proprietær. Sjølv vart han student frå katedralskulen i Christiania i 1831, og cand.jur. på universitetet i same byen.
Frå 1837 arbeidde Bonnevie i kyrkjedepartementet, fyrst som kopist, seinare fullmektig og frå 1841 byråsjef. I 1856 fekk han stilling som «2den raadmand» i Bergen. Fem år seinare flytta til Kristiansand, der han var borgarmeister i ti år. År 1871 tok han over embetet som stiftmann i Kristiansand og amtmann i Lister og Mandal, posisjonar han sat i til han døydde i 1881.
Bonnevie var i 1844 sekretær i komiteen som kom med framlegg om dissenterlova. Han var fleire gongar aktuell til stortingsplass, både ved valtinget 1856 i Bergen, og valtinga 1858, 1864, 1867 i Kristiansand, men hamna alle gongane på varamannsplassar. Valperiodane 1871-73 og 1874-76 vart han derimot kåra til stortingsrepresentant for Kristiansand. Alle seks tingsesjonane var han medlem i Protokollkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske amtmenn Kategori:Fylkesmenn i Vest-Agder Kategori:Stortingsrepresentantar 1871-1873 Kategori:Stortingsrepresentantar 1874-1876 Kategori:Stortingsrepresentantar for Vest-Agder Kategori:Ordførarar i Kristiansand Kategori:St. Olavs Orden Kategori:Folk frå Horten