Sivert Eriksson Dyrland () var ein norsk gardbrukar og politikar frå Skudenes i Rogaland. Han var stortingsmann for Samlingspartiet/Høgre i tida 1906-12.
Dyrland var son til ein leiglending i Skudenes herad. I sine yngre år dreiv han fiskje, både i Nordland og makrellfiskje i Nordsjøen. Han kjøpte i 1878 halvparten av faren sitt bruk på Dyrland og fem år seinare overtok han ein halvpart av gardsbruket til svigerfaren, også det på Dyrland.
Dyrland var «prestens medhjelpar» frå 1878 og åstadskommissær frå 1890. Han var medlem i heradsstyret i mange år, og styremedlem 1886-1905 i fellesforeininga for indremisjonslaga Karmsund prosti.
Valperiodane 1906-09 og 1910-12 representerte han einmannskrinsen Karmsund på Stortinget, den fyrste perioden var han med i Næringskomite nr 2, i den siste i Kyrkjekomiteen og Lagtinget.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1907-1909 Kategori:Stortingsrepresentantar 1910-1912 Kategori:Stortingsrepresentantar frå Høgre Kategori:Stortingsrepresentantar frå Samlingspartiet Kategori:Stortingsrepresentantar for Stavanger amt Kategori:Vararepresentantar til Stortinget Kategori:Norske gardbrukarar Kategori:Folk frå Karmøy