Kometen Ikeya–Zhang (offisielt 153P/Ikeya–Zhang) er ein komet som vart oppdaga av tre astronomar kvar for seg den 1. februar 2002. Japanaren Kaoru Ikeya oppdaga han kl. 09.50 UTC, kinesaren Daqing Zhang halvannan time seinare, medan brasilianaren Paulo Raymondo fann han same dag, men då hadde alt meldinga om kometen gått ut frå IAU.
Ikeya-Zhang framstod som ein diffus ball på himmelen med storleiksklasse 3 og med ein hale. Han fann seg i nærleiken av Andromedagalaksen, og var nærast sola 18. mars, 75 millioner km unna, og nærast jorda 30. april, 60 millioner km unna.
Studiar av banen til Ikeya-Zhang viser at kometen har vitja oss tidlegare, i 1661. Han vart da kalt Hevelius' komet, etter oppdagaren Johannes Hevelius frå Polen.
Kjelder Delphin, Inger Lise A. (14. februar 2009). Ikeya Zhang. I Store norske leksikon. Henta 13. august 2014 frå http://snl.no/Ikeya-Zhang.
Ikeya-Zhang Kategori:Periodiske kometar