Skjæveland gamle bru er ei bru over Figgjoelva på Jæren. Midten av brua utgjer grensa mellom Klepp og Sandnes kommune. Brua var ferdig bygd i 1853.
Byggjematerialet er for det meste stein, bygd som ei kombinert steinkvelv- og steinhellebru. Brua er 100 meter lang. Brua er ein del av Vestlandske hovudveg, og var den fyrste brua i Rogaland fylke som vart bygd for køyretøy.
Brua vart teikna av Ingebret Mossige, lensmann og veginspektør i Time kommune. Gabriel Høyland (1820-1907) leia bygginga av brua. I 1966 vart det opna ei ny bru for riksveg 44, og denne nye Skjævelandsbrua har etter dette vore nytta til lokal trafikk. Ho vart restaurert i 1985, og vart i 2002 teken med på ein nasjonal verneplan for kulturminne knytt til vegar.
Sjå òg Skjævelandsbrua
Kjelder
Bakgrunnsstoff Vernar gangsteinar og Skjævelandbrua Jærbladet Vegvalg - nasjonal verneplan for veger, bruer og vegrelaterte kulturminner Statens Vegvesen
Kategori:Vegbruer i Rogaland Kategori:Vegar i Klepp Kategori:Vegar i Sandnes Kategori:Bruer opna i 1853 Kategori:1853 i Noreg