Al Mukalla (arabisk المكلا, Al Mukallā) er ein hamneby og det administrative senteret i kystregionen Hadhramaut i Jemen sør i Arabia. Al Mukalla er den viktigaste hamnebyen i Hadramaut guvernement, det største guvernementet i Jemen. Han ligg ved Adenbukta nær Arabiahavet, 480 km aust for Aden.
Al Mukalla er den femte største byen i Jemen med eit folketal på kring 300 000. Byen vert tent av Riyan lufthamn.
Historie Al Mukalla ligg ikkje langt frå «Cane» eller «Qana'», ein viktig kjøpstad i antikken mellom India og Afrika, med områda som produserte røykjelse i landet innafor.
Al Mukalla vart grunnlagd i 1035 som ein fiskarlandsby. Området var ein del av Oman fram til midt på 1000-talet, og seinare i dei jemenittiske statane.
Han var hovudstaden i Qu'aiti-staten Hadhramaut fram til 1967 då han vart ein del av Sør-Jemen. Qu'aiti-staten var ein del av det austlege protektoratet Aden fram til Jemen-statane vart slått saman. Ein britisk rådgjevar var stasjonært i Al Mukalla.
I 1934 vitja den britiske eventyraren Freya Stark dei indre områda av Hadhramaut frå Al Mukalla, og opphaldet hennar i byen er omtalt i boka hennar, The Southern Gates of Arabia.Stark, Freya, The Southern Gates of Arabia, John Murray, London, 1936 (and reprinted in many modern editions)
Slaget ved Al Mukalla Den 2. april 2015 storma Al-Qaida på Den arabiske halvøya (AQAP) fengselet i byen, og sette fri hundrevis av fangar, mellom anna to AQAP-kommandantar. Dei gjekk til åtak på sentralbanken og tok 17 milliardar jemenittiske riyal og 1 million amerikanske dollar før dei tok kontroll over presidentpalasset i byen. Det vart rapportert at heile byen er under deira kontroll og at dei planlegg å opprette eit islamsk emirat i Hadramaut-området.http://www.telegraph.co.uk/news/worldnews/middleeast/yemen/11510765/Al-Qaida-frees-300-prisoners-in-Yemen-jail-break.html
I april 2015 vart Nasser bin Ali al-Ansi drepen i eit droneåtak i byen.http://www.cnn.com/2015/05/07/middleeast/aqap-commander-killed/
Økonomi mini|Mukalla hamn. mini|Brødhandling i gamlebyen.
Hovudmarknaden, soukh, er ein av dei viktigaste handelsstadane i byen.
Mukalla hamn ligg aust for byen. Hamna kan berre ta i mot skip som er kortare enn 150 meter. Hamna er tilpassa med oljerøyrleidningar for tankskip.
Sementfabrikken Raysut ligg i hamna og kan ta i mot store mengder sement frå frakteskip.
Turistmål Gamlebyen er open for turistar. Her ligg mellom anna sultanpalasset. Vakttårn finst i utpostar i fjella kring gamlebyen.
Kjelder Denne artikkelen bygger på «Al Mukalla» frå , den 29. mai 2016. oppgav desse kjeldene:
Bakgrunnsstoff
Kategori:Busetnader i Hadhramaut guvernement Kategori:Adenbukta Kategori:Distrikt i Jemen