Erp lutande (Erpr lútandi) var ein norsk skald som levde omkring år 800.
Han er nemnt i den islandske landnåmabokaLandnåmaboka kafli 22, frå snerpa.is der det er opplyst at dotter hans, Astrid Sløkedreng var gift med skalden Brage Boddason. Etter som ein reknar Brage Boddason som ein historisk person, må truleg det same gjelde for Erp Lutande og mellom etterkomarane hans finn vi både Arinbjørn herse i Firda og skaldane Tind Hallkjellsson og Gunnlaug Ormstunge.
Etter SkaldatalSkáldatal på norrønt, frå is.wikisource var både Erp Lutande og versonen Brage Boddason, skaldar hos to kongar: Eystein Bele og Bjørn på Haug. I islendingesoga Soga om Hervor (Hervarar saga ok Heiðreki) er dei to kongane Eystein Illråde, son av Harald Hildetann og Bjørn på Haug nemnde i samband med ei forteljing om Brage skald. Det er uvisst kven desse kongane var, men den sistnemnde kan ha vore ein «rex Bern» som er nemnd som konge over Birka i Sverige.
Ei tilleggsopplysning i SkaldatalErpr lútandi vá víg i véum ok var ætlaðr til dráps. Hann orti drápu um Saur konungshund ok þá höfuð sitt fyrir. tyder på at Erp ein gong gjorde eit drap på ein heilag plass og vart dømt til å misse livet. Han skal då ha redda livet ved å gjere ei dråpa om «Saur kongshund». Episoden minner om forteljinga i EgilssogaEgilssoga omsett av Leiv Heggstad (Samlaget 1950) der det blir fortalt at Brage Boddason redda hovudet sitt ved å gjere ei slik «hovudløysings-dråpa» til kong Bjørn Sviakonge.
Ingen diktverk av Erp Lutande er kjende i dag.
Notar
Referansar
Bakgrunnsstoff Den Norsk-Islandske Skjaldedigtning Finnur Jonsson Hervarar saga ok Heiðreki Soga om Hervor (frå snerpa.is) Bidrag til den Äldste Skaldedigtnings Historie av Sophus Bugge (Projekt Runeberg)
Kategori:Norske skaldar Kategori:Folk i Skaldatal Kategori:Folk frå vikingtida Kategori:Nordmenn frå norrøn tid