Gary Winston Lineker () er ein tidlegare engelsk fotballspelar og seinare sportsjournalist. Han har skåra den engelske rekorden på 10 mål i fotballverdsmeisterkapar. Sidan 1990-talet har han vore programleiar for fotballprogrammet Match of the Day på BBC.
Lineker byrja fotballkarrieren ved Leicester City i 1978, der han blei delt toppskårar i førstedivisjonen i 1984–85. Han spelte deretter for Everton, der han skåra 30 mål på 41 spel. Med Barcelona vann han Copa del Rey i 1988 og Cupvinnarcupen i 1989.
Han vende tilbake til England i 1989, der han spelte for Tottenham Hotspur. Over tre sesongar skåra han 67 mål i 105 kampar, og vann FA-cupen. Den siste klubben han spelte for var japanske Nagoya Grampus Eight. Han trekte seg tilbake i 1994 etter to sesongar i Japan.
Lineker sin seniorkarriere varte i 16 år og han spelte 567 kampar. Totalt skåra Lineker 282 på klubbnivå og 48 i landskampar, totalt 330 mål. Gjennom sin lange karriere fekk Lineker aldri gult eller raudt kort. For dette blei han heidra med FIFA Fair Play Award i 1990. Han er også teken opp i English Football Hall of Fame. Som sterk supporter for Leicester City leia han eit konsortium som investerte i klubben for å redda han frå konkurs, og blei utnemnd til æresvisepresident.
Statistikk EnglandÅrKamparmål19841019859619861081987791988103198993199015819911110199281Totalt8048
Merittar Vinnar av Cupvinnarcupen: 1988 med FC Barcelona Spansk cupmeister: 1987 med FC Barcelona Vinnar av FA-cupen: 1991 med Tottenham Hotspur
Kjelder
National Football Teams RSSSF eu-football
Denne artikkelen bygger på «Gary Lineker» frå , den 27. oktober 2017.
Kategori:Engelske fotballspelarar Kategori:Leicester-spelarar Kategori:Everton-spelarar Kategori:Barcelona-spelarar Kategori:Tottenham-spelarar Kategori:Spelarar i Fotball-VM 1986 Kategori:Spelarar i Fotball-EM 1988 Kategori:Spelarar i Fotball-VM 1990 Kategori:Spelarar i Fotball-EM 1992 Kategori:Folk frå Leicester