Sakakah (arabisk سكاكا) er ein oaseby nordvest i Saudi-Arabia og er hovudstaden i Al Jawf-regionen. Han ligg like nord for An Nafud-ørkenen. Sakakah hadde eit folketal på 242 813 i 2010.
Jordbruk Al-Jawf har rikt med vatn som gjer det mogeleg å dyrke dadlar (200 000 palmar) og oliven (12 000 000 tre), i tillegg til andre jordbruksprodukt. talet på gardar er kring 16 000, og jordbruksprosjekta kring 1 500. Her ligg Watania-gardane,Watania Farms den største organiske garden i kongedømet. Det frodige jordbruksområdet i Al-Jawf kjem hovudsakleg av store mengder undergrunnsvatn.
Historiske palass
Historia til Al-Jawf strekkjer seg meir enn fire tusen år attende. Her finst mange historiske og førhistoriske stader, som Za'balborga- og brunnen, Omar ibn Al-Khattab-moskeen i Dowmat Al-Jandal og Mardborga (like sør for Sakaka). Her finst òg dei gamle ståande steinane Rajajil i Sakaka, som er datert nesten 6 000 år attende.
Modernisering Mange område i Saudi-Arabia slit med utvikling og modernisering utført på kort tid. I nyare år har den saudiarabiske staten pøst pengar inn i regionen Al-Jawf, og særleg Sakaka, for å utvikle den økonomiske stagnerte regionen. Byen er derfor full av nye, statlege bygg, skular og sjukehus. Her ligg mellom anna Al Jouf universitet (Jami'at Al-Jawf), som vart skipa i 2005.University of Al-Jouf
Klima Köppen-Geiger si klimaklassifisering klassifiserer klimaet som varm ørken (BWh).
Kjelder Denne artikkelen bygger på «Sakakah» frå , den 22. desember 2015. oppgav desse kjeldene:
Bakgrunnsstoff Ei reise gjennom provinsen Al Jouf, Splendid Arabia.
Kategori:Busetnader i Al Jawf-provinsen Kategori:Provinshovudstader i Saudi-Arabia