Torjus Larsson Gard () var ein norsk gardbrukar og politikar frå Skåre i Rogaland.
Gard gjekk både amtskule og landbruksskule før han i 1894/95 gjennomførte Statens meieriskule på Hegra. Elles gjorde han stipendreiser til Sverige og Danmark for å lære meir om landbruk og meiribruk. Åra 1896-1900 styrte han meieri i Selbu og seinare i Bergen. Straks før 1900 tok han over drifta av farsgarden i Skåre og dreiv denne i fleire tiår. I tida 1907-22 var han styreformann i den lokale sparebanken, og 1924-43 styrar av Noregs Bank si avdeling i Haugesund.
Gard var stortingsrepresentant for Venstre periodane 1916-18, 1922-24 og 1928-33. I den fyrste treårsbolken på Stortinget var han han medlem i protokollkomiteen, i den andre nestformann i tollkomiteen, i 1928-30 medlem i løonningskomiteen og 1931-33 sekretær i administrasjonskomiteen. Gard var ordførar i Skåre 1916-19 og 1931-37.
Kjelder Norsk Allkunnebok. V. Bandet. 1953
Kategori:Stortingsrepresentantar 1916-1918 Kategori:Stortingsrepresentantar 1922-1924 Kategori:Stortingsrepresentantar 1928-1930 Kategori:Stortingsrepresentantar frå Venstre Kategori:Stortingsrepresentantar for Stavanger amt Kategori:Stortingsrepresentantar for Rogaland Kategori:Vararepresentantar til Stortinget Kategori:Ordførarar i Skåre Kategori:Venstreordførarar i Rogaland Kategori:Norske gardbrukarar Kategori:Folk frå Haugesund