Kari Traa () er ein norsk fristilalpinist. Ho byrja med skikøyring allereie som treåring, og med fristil som sekstenåring. Traa vann sitt fyrste internasjonale skirenn i 1997, og har sida den gong vorte olympisk meister, vunne den totale verdscupen fleire gonger og vunne fleire NM-titlar.
Traa fekk nasjonal merksemd i 2001 då ho stilte opp nesten naken til ein biletserie i bladet Ultrasport under tittelen «Uten en Traa».
Traa har òg sin eigen kleskolleksjon med fargerike sportsklede. Ho starta bedrifta Kari Traa AS i 2002, og spesialiserte seg då på huer. Etter kvart omfatta kolleksjonen hennar òg T-skjorter, genserar, jakker og bukser.
Kari Traa vart kåra til Årets nynorskbrukar i 2006. I 2008 fekk ho Nynorsk næringslivspris.
Saman med Egor Filipenko kom Kari til finalen i TV 2 si tevling Skal vi danse i 2011.
Merittar OL i Torino 2006 - Sølvmedalje (singelkøyring) VM i Ruka, Finland 2005 - Sølvmedalje (parallellkøyring) VM i Deer Valley, USA 2003 - Gullmedalje (parallellkøyring) VM i Deer Valley, USA 2003 - Gullmedalje (singelkøyring) OL i Salt Lake City 2002 - Gullmedalje (singelkøyring) VM i Whistler, Canada 2001 - Gullmedalje (parallellkøyring) VM i Whistler, Canada 2001 - Gullmedalje (singelkøyring) VM i Meiringen, Sveits 1999 - Sølvmedalje (parallellkøyring) VM i Meiringen, Sveits 1999 - Sølvmedalje (singelkøyring) OL i Nagano 1998 - Bronsemedalje (singelkøyring)
Ho har òg vunne verdscupen i fristil totalt 3 år, og har til saman 33 fyrsteplassar i verdscuprenn. I tillegg har ho teke heim 8 noregsmeisterskap.
Kjelder
Bakgrunnsstoff
Kategori:Norske freestylekøyrarar Kategori:Kongepokalvinnarar i skiidrett Kategori:Verdsmeistrar i freestyle Kategori:Olympiske meistrar for Noreg Kategori:Olympiske sølvmedaljevinnarar for Noreg Kategori:Olympiske bronsemedaljevinnarar for Noreg Kategori:Norske deltakarar under vinter-OL 1992 Kategori:Freestylekøyrarar under vinter-OL 1992 Kategori:Medaljevinnarar under vinter-OL 1998 Kategori:Norske deltakarar under vinter-OL 1998 Kategori:Freestylekøyrarar under vinter-OL 1998 Kategori:Medaljevinnarar under vinter-OL 2002 Kategori:Norske deltakarar under vinter-OL 2002 Kategori:Freestylekøyrarar under vinter-OL 2002 Kategori:Medaljevinnarar under vinter-OL 2006 Kategori:Norske deltakarar under vinter-OL 2006 Kategori:Freestylekøyrarar under vinter-OL 2006 Kategori:Norske Skal vi danse-deltakarar Kategori:Folk frå Voss