«Tusk» er ein song av Fleetwood Mac frå 1979 på albumet med same namn. Songen vart gjeven ut på singel, og denne nådde åttandeplassen på singellista i USA, sjetteplassen i Storbritannia og tredjeplassen i Australia og Canada. Det var ein av dei første songane som vart gjeven ut etter å ha blitt digitalt miksa ned frå ei opphavleg analog kjelde.http://www.discogs.com/Fleetwood-Mac-Tusk/release/774248
Historie
Bandet var på leit etter eit tittelspor for albumet deira, som ikkje hadde fått namn enno, og Mick Fleetwood føreslo at dei nytta eit riff som Lindsey Buckingham brukte å spele under lydsjekkane føre øvingane deira. Produsentane Richard Dashut og Ken Caillat skapte så ein trommedriven produksjon.
Singelen vart spelt inn på konsert i lag med ein video frå Dodger Stadium (utan publikum) i Los Angeles i samarbeid med University of Southern California Trojan Marching Band. Framføringa vart òg filma og gjeven ut som musikkvideo for songen. John McVie var på Tahiti under innspelinga på Dodger Stadium, men er representert i videoen av ein pappfigur som vert boren rundt av Mick Fleetwood og seinare står mellom resten av bandmedlemmane.
Singelen vart gjeven ut med to forskjellige omslag i mange land.
Medverkande Lindsey Buckingham – gitar, Kleenex-boks, vokal Christine McVie – klaverinstrument, korvokal, trekkspel (berre konsertversjonar) Stevie Nicks – korvokal John McVie – bassgitar Mick Fleetwood – trommer, perkusjon USC Trojan Marching Band – perkusjon, messingblåsarar
Kjelder Denne artikkelen bygger på «Tusk (song)» frå , den 11. august 2015. oppgav desse kjeldene:
Bakgrunnsstoff
Kategori:Fleetwood Mac-songar Kategori:Songar frå 1979 Kategori:Singlar frå 1979 Kategori:Songar skrivne av Lindsey Buckingham Kategori:Songar produserte av Ken Caillat Kategori:Songar produserte av Richard Dashut Kategori:Warner Bros. Records-singlar