Ra'anana (hebraisk skrift רַעֲנָנָה, tyder ‘Fersk’) er ein by i hjartet av den sørlege Sharonsletta i Det sentrale distriktet i Israel. Han har eit folketal på 68 300 (2009). Ra'anana grensar til Kfar Saba i aust og Herzliya i sørvest. Dei fleste innbyggjarane er innfødde israelarar, men her finst òg ein god del innvandrarar frå Amerika og Europa.
Mange leiande, globale og lokale selskap har kontor i det høgteknologiske industriområdet i Ra'anana. Han fekk status som ein «Grøn by» av Verdas Helseorganisasjon i 2005.
Historie I 1912 danna selskapet for jødisk busetnad i Israel gruppa «Ahuza A – New York» for å kjøpe landområdet i Israel for eit jordbrukssamfunn. Den første verdskrigen forseinka planane deira, men den 2. april 1922 drog to vogner frå Lilienblum- og Herzlgata i Tel Aviv med fire «Ahuza»-medlemmar, tre arbeidarar og to væpna vakter. Etter ei fem timar lang reise, lossa dei bagasjen sin på staden som skulle bli Ra'anana. Ahuza Street, Raanana (1927)|mini|venstre
I den første tida vart busetnaden kalla «Ahuza A – New York.» Arabarane i regionen kalla han «Vesle Amerika» sidan dei fleste innbyggjarane var engelsktalande og kom frå New York. Seinare fekk han namnet «Ra'anania» og til slutt «Ra'anana». Under sjølvstendekrigen var han ein landsby med 3 000 innbyggjarar. mini|venstre|Torg i Ra'anana Seint i 1960-åra hadde han eit folketal på 85 000 og dekka eit område på 15 km².Encyclopedia of Zionism and Israel, ed. Raphael Patai, Herzl Press/McGraw-Hill, New York, 1971, «Ahuza», vol. 1, s. 17 I 1980-åra fekk Ra'anana bystatus.
Idrett Den største fotballklubben i byen er Hapoel Ra'anana. I basketball er byen representert ved Bnei Hasharon, som spelar ved MetroWest skule.
Venskapsbyar Ra'anana er venskapsby med: Opsterland i Nederland (sidan 1963)Being the first to twin, a central street in the Ra'anana is named "Opsterland" Bramsche i Tyskland (sidan 1978) Boulogne-Billancourt i Frankrike (sidan 1994) Verona i Italia (sidan 1998) Tainan i Taiwan (sidan 1999) Atlanta i USA (sidan 2001) Goslar i Tyskland (sidan 2006) Poznań i Polen (sidan 2010)
Kjelder Denne artikkelen bygger på «Ra'anana» frå , den 25. juni 2015. oppgav desse kjeldene:
Bakgrunnsstoff Offisiell kommune
Kategori:Byar i Israel * Kategori:Sharonsletta Kategori:Byar i Det sentrale distriktet i Israel