Gujranwala (urduskrift ) er ein pakistansk industriby som ligg i Gujranwala distrikt i Panjab. Han er den sjuande folkerikaste av storbyområda i Pakistan, og er ein av dei raskaste veksande byane i landet.http://www.citymayors.com/statistics/urban_growth1.html Gujranwala ligg 226 meter over havet.Location of Gujranwala – Falling Rain Genomics Han grensar mot Ghakhar Mandi, Alipur Chatha, Kamonke og fleire mindre byar og landsbyar.
Historie Namnet «Gujranwala» viser til at byen blei bygd av gurjarar.Gujrānwāla Town – Imperial Gazetteer of India, v. 12, p. 363. Namnet blir også knytt til riket Gurjara-Pratihara. Ifølgje Imperial Gazetteer of India blei byen omdøypt Khanpur av sansi-jattar frå Amritsar som slo seg ned, men det eldre namnet overlevde.
Gujranwala blei viktig under framveksten av Sikh-riket på 1700-talet. Han var fødestaden til grunnleggjaren av riket, Ranjit Singh, og hovudstad for føregjengarane hans, faren Maha Singh og farfaren Tsjarat Singh. Sikh-leiaren Hari Singh Nalwa reiste mykje av den «nye» byen.Nalwa, V. (2009) Hari Singh Nalwa-Champion of the Khalsaji, New Delhi: Manohar, p. 240.
Området kom under britisk styre i 1848. I 1881 blei det bygd ei jernbanelinje langs hovudvegen Grand Trunk Road som band saman Gujranwala med andre byar i Panjab og letta handel.
Klima Gujranwala har steppeklima (BSh etter Köppen si klimaklassifisering). Om sommaren (juni til september) kan temperaturen koma opptil 36 °C. Dei kaldaste månadane er som regel november til februar, då gjennomsnittet klan ligga på 7 °C. Månadane med høgast nedbør er som regel juli og august, når monsunen kjem til Panjab. I dei andre månadane er gjennomsnittleg nedbør rundt 25 mm. Dei tørraste månadane er som regel november til april, med lite nedbør.Jinnah Stadium, Gujranwala – Monthly Averages
Kulturarv i Gujranwala
Kjelder
Denne artikkelen bygger på «Gujranwala» frå , den 18. juni 2015.
Bakgrunnsstoff Gujranwala Chamber of Commerce & Industry sgc.edu.pk Article on Gujranwala from the 1911 Encyclopædia Britannica
Kategori:Panjab i Pakistan Kategori:Byar i Pakistan