Tor Erik Jenstad () er ein norsk språkforskar, ordbokredaktør og folkemusikar, busett i Trondheim. Han har utdanninga si frå Universitetet i Trondheim, der han i 1982 vart cand.philol. med ei hovudoppgåve om Sunndals-dialekten.BIBSYS-post for hovudoppgåva I 1995 vart han dr.art., med avhandlinga Ein repetis i obligadur. Norsk folkemusikkterminologi, med vekt på feletradisjonen.BIBSYS-post for avhandlinga I 2001 gav han ut ei bok med same tittel, som byggjer på dr.art.-avhandlinga.BIBSYS-post for boka

Sidan 2003 har han vore ein av redaktørane for Norsk Ordbok 2014.Norsk Ordbok/UiO sin informasjon om Jenstad

Jenstad legg vekt på formidling, og publikasjonane hans spenner frå akademiske til populærvitskaplege bøker og artiklar. Han held også ofte foredrag og deltar i radioprogram. Han bidrar blant anna jamleg i NRK-programmet Språkteigen.Informasjon frå programmet Språkteigen, om at han svarer på spørsmål frå lyttarane Han har også dialektbloggen «Moro med ord og uttrykk!» saman med Unni Ulltveit (foto/redigering).Dialektbloggen Frå 1992 har han hatt radioprogrammet «Dialektmagasinet» på NRK Trøndelag. Det blir framleis sendt kvar veke – og kan no også høyrast som podkast.NRKs informasjon om Dialektmagasinet og Jenstad

I 1993 fekk han Nordmøre Mållags målpris, og i 1998 fekk han ein pris frå Kungl. Gustav Adolfs Akademien för svensk folkkultur (Torsten Janckes minnefond) for sitt arbeid med norsk dialektologi.Tveter, Nina E. «Jenstads nye samlede – eller I navnekulturens tjeneste». I: Universitetsavisa, 1998

Jenstad er også ein aktiv folkemusikar. Han var styremedlem i Landslaget for Spelemenn i perioden 1997–1999, og leiar for Trøndelag Folkemusikklag 2013–14. Saman med folkemusikkgruppa «Hørkelgaddan», der han spelte trekkspel og toradar, fekk han Spellemannprisen 1981 i klassen folkemusikk/gammaldans. Han speler i fleire spelemannslag og folkemusikkgrupper, med Oppdal Spell- og dansarlag som hovudlag. Duoen «Trebitmerra og feppeldaill'n» (med Unni Ulltveit) er Noregs første «togspellemenn».«Ta en svingom på Dovrebanen!». I: OPP (Oppdals-avis) 15. februar 2013, s. 8«Norge Rundt»-innslag om togspellemennene 26. april 2013

Jenstad er medlem av Det Kongelige Norske Videnskabers Selskab.

I 2019 fekk han Trønderlaget sin målpris, for sitt mangeårige arbeid for dialekt og nynorsk.

__NOTOC__ Verkliste 1983 – Eit nytt sentrumsmål veks fram. Drag frå talemålet til ungdom på Sunndalsøra Nb – bokutgåve av ein del av hovudoppgåva frå 1982 1985 – Sunndalsmålet. Eit grensemål på indre Nordmøre Nb – bokutgåve av ein del av hovudoppgåva frå 1982 1991 – Skjellsordboka. Vol. 1 for Trøndelag og Nordmøre Nb 1992 – Den store norske skjellsordboka Nb 1997 – Trønderordboka, med Arnold Dalen Nb, 2. utg. 2002 1999 – Nye skjellsordboka Nb 2001 – Ein repetis i obligadur. Folkemusikkterminologi i norske dialektar, med vekt på feletradisjonen – bokutgåve av doktoravhandlinga frå 1995 2003 – Norge rund med ord 2005 – Nordmørshistorier, med Petter Erik Innvik 2007 – Sunndalsord 2007 – Ka sa du? Trøndersk toillsnakk å gamle uttrøkk 2008 – Vaddesålekt din jehuk 2010 – Snedig å koinn trøndersk. Saftige trønderske gloser 2011 – Leksikalsk forsking i norske målføre og nynorsk skriftspråk (red.), med Lars S. Vikør 2012 – Din hånstaur! Saftige trønderske skjellsord 2013 – «Frå ryphøa til shit creek. Ordspel på stadnamn». Namn og Nemne 30, 93–98 2014 – Rappkjæfta trønder 2015 – Såson e trøndern 2017 – Snedig å koinn trønderslæng 2017 – Fosenmåla, med Kristin Melum Eide, Arnold Dalen og Ola Stemshaug 2018 – Fysekjerringer og glupstuter. Norges morsomste dialektuttrykk

Bakgrunnsstoff Moro med ord og uttrykk. Jenstad sin dialekt-blogg Jenstad i leksikonet Allkunne Omtale av Trønderordboka i Språknytt

Kjelder Referansar og fotnotar

Kategori:Norske språkforskarar Kategori:Norske folkemusikarar Kategori:Folk frå Sunndal