mini|Statue av Francisco Fernández Ochoa i Cercedilla
Francisco Fernández Ochoa () var ein spansk alpin skirennar fødd i Madrid som vart olympisk meister i slalåm i 1972. Blanca Fernández Ochoa var systera hans.
Aktiv Fernández Ochoa deltok i fire olympiske vinterleikar, 1968-80. Fram til Vinter-OL 1972 hadde han som best nokre sjuandeplassar i verdscupen i alpine greiner, alle i spesialgreina slalåm. I OL-slalåmen i Sapporo stod han for ein av dei store OL-sensasjonane då han vann ein soleklar siger framom Gustav Thöni frå Italia.
To år etter, under VM i alpine greiner 1974 i St. Moritz, tok Fernández Ochoa bronsemedaljen i slalåmrennet. Knapt fire veker seinare vann han sin einaste siger i eit verdscuprenn, i ei slalåmtevling i polske Zakopane viste han Gustav Thöni til andreplassen, nett som i slalåmrennet under OL 1972.
Han døydde 56 år gammal i heimbyen Cercedilla i regionen Madrid etter ei tid med lymfekreft.
Kjelder Sportsboken, aktuelle årgangar Denne artikkelen bygger på «Francisco Fernández Ochoa» frå , den 8. januar 2015.
Kategori:Spanske alpinistar Kategori:Verdsmeistrar i alpine greiner Kategori:Olympiske meistrar for Spania Kategori:Spanske deltakarar under vinter-OL 1968 Kategori:Alpinistar under vinter-OL 1968 Kategori:Medaljevinnarar under vinter-OL 1972 Kategori:Spanske deltakarar under vinter-OL 1972 Kategori:Alpinistar under vinter-OL 1972 Kategori:Spanske deltakarar under vinter-OL 1976 Kategori:Alpinistar under vinter-OL 1976 Kategori:Spanske deltakarar under vinter-OL 1980 Kategori:Alpinistar under vinter-OL 1980