mini|Statens historiska museum på Östermalm i Stockholm. Statens historiska museum i Stockholm i Sverige, ofte berre omtalt som Historiska museet, er eit arkeologisk, kulturhistorisk og kunsthistorisk museum skipa i 1934. Museet har nasjonalt ansvar for arkeologiske funn og kyrkjelege kunstobjekt. Det såkalla Guldrummet (Gullrommet) i museet er vidgjete for si utstilling av mange fine gullgjenstandar frå bronsealderen, jarnalderen, mellomalderen og trettiårskrigen. I museets samlingar finst det meir enn ti millionar ulike gjenstandar, og mange av dei er registret elektronisk og kan søkjast på av ålmenta over internett.
Museet ligg i Narvavägen 13–17, ved krysset mellom Narvavägen og Linnégatan i bydelen Östermalm i Stockholm, i ein bygning frå 1934–1939 som er teikna av arkitektane Bengt Romare og Georg Scherman.
Objekt ved museet Bäckaskogskvinna, gravfunn frå eldre steinalder Alundaelgen, steinalderøks/skulptur ved museet Tjängvidesteinen, biletstein med runeinnskrifter Ardresteinane, ti biletsteinar
Andre Historiska museum i Sverige Lunds universitets historiska museum i byen Lund i Skåne vert òg ofte omtalt som Historiska museet eller Historiska museet i Lund.
Bakgrunnsstoff
Søk i museumssamlingane.
Kategori:Museum i Stockholm Kategori:Kulturhistoriske museum Kategori:Skipingar i 1934 Kategori:1934 i Sverige Kategori:Museum skipa i 1930-åra Kategori:Arkeologi i Sverige