Pia Riva () var ein italiensk alpin skirennar frå Piovene Rocchette i provinsen Vicenza som vann sølvmedaljen i utfor under VM i alpine greiner 1962 i Chamonix.
Aktiv Riva markerte seg mellom verdseliten under VM i alpine greiner 1958 i austerrikske Bad Gastein, der ho vart nummer fire i utfor og sju i storslalåm. Under Vinter-OL 1960 i Squaw Valley enda ho enno ein gong på fjerdeplassen i utfor-tevlinga.
Ved den alpine verdsmeisterskapen 1962 i Frankrike vann Riva sølvmedaljen i utfor, med stor margin til bronsemedaljøren, men var sjølv over tre sekundar bak den suveren verdsmeisteren, Christl Haas frå Austerrike.
I sin siste store meisterskap, vinterleikane 1964 i Innsbruck, vart Riva nummer ni i både slalåm og storslalåm. Saman med eit svakt utforrenn gav det henne sjetteplassen i VM-kombinasjonen.
Frå 1958 til 1964 vann Riva ti italienske meisterskapstitlar; fem kvar i storslalåm og utfor.
Ho la opp i 1964 og utvandra same året til USA.
Kjelder Sportsboken, aktuelle årgangar Denne artikkelen bygger på «Pia Riva» frå , den 21. desember 2014.
Kategori:Italienske alpinistar Kategori:Italienske deltakarar under vinter-OL 1960 Kategori:Alpinistar under vinter-OL 1960 Kategori:Italienske deltakarar under vinter-OL 1964 Kategori:Alpinistar under vinter-OL 1964