Kjell Stefan Löfven () er ein svensk fagforeningsleiar, politikar og tidlegare partileiar for Socialdemokraterna. Han var statsminister i Sverige frå 3. oktober 2014 til 4. november 2021. Han var leiar for fagforbudnet IF Metall mellom 1. januar 2006 og 27. januar 2012.
Bakgrunn
Stefan Löfven vaks opp i ein adoptivfamilie i Sollefteå kommun i Norrland. Han vart send dit ti månader gammal av di mor hans ikkje hadde råd til å oppdra begge borna sine.
Löfven var den fyrste svenske statsministeren i moderne tid som ikkje har erfaring frå Riksdagen. Han er utdanna sveisar, og arbeidde som dette i ei forsvarsbedrift i Örnsköldsvik 1979-1995. I 1981 vart han tillitsvald for fyrste gong. Frå 1995 vart han tilknytt Svensk LO som tillitsvald i Metallindustriarbetareförbundet, blei nestleiar i 2001 og forbundsleiar frå 2005-2012.
Partileiar og statsminister Han vart vald til partileiar i Socialdemokraterna etter at Håkan Juholt trekte seg etter mykje kritikk. Löfven var partileiar frå 27. januar 2012 til 4. november 2021.
Han tok over statsministerposten 3. oktober 2014 etter Fredrik Reinfeldt frå Moderata Samlingspartiet. Löfven leia ei regjering som bestod av 18 statsrådar frå Socialdemokraterna og 6 frå Miljöpartiet.
Kjelder
Fotnotar
Kategori:Svenske politikarar Kategori:Svenske statsministrar