Karl Sanne () var ein norsk gardbrukar og stortingsrepresentant frå Vanse i Vest-Agder. Han var medlem av Høgre.
Sanne var fødd i Farsund, son til ein snikkarmeister. Han voks til dels opp på garden hos ein pleiefar i Vanse, og overtok i 1894 garden Bryne etter denne. Frå 1897 var han også kasserar i Vanse Sogns Sparebank.
Sanne var medlem av Vanse formannskap 1896–1917, varaordførar 1907–10, medlem av Lista formannskap 1918–19, ordførar i Lista 1919–22 og medlem av Svelvik bystyre 1931–37. Sanne hadde ei rad tillitsverv utanom politikken, mellom anna var han åstadskommissær i fire år og medlem av forstandarskapen i Svelvik og Strøms Sparebank 1927–37.
Sanne representerte einmannskrinsen Lister på Stortinget periodane 1913–15 og 1919–21 og Vest-Agder åra 1922–27. Han var lagtingspresident 1920-21 og kyrkje- og undervisningsminister i Abraham Berge si regjering 1923–24. Sanne veksla frå den eine komiteen til den andre i sitt liv på Stortinget. Han var medlem av landbrukskomiteen 1913-15, utanriks- og konstitusjonskomiteen 1919-21, militærkomiteen 1922-24, og kyrkje- og skulekomiteen 1925-27. Sannne var medlem av sentralstyret for Høgre frå 1915.
Kjelder Lindstøl, Tallak: Stortinget og Statsraadet 1814-1914. Kristiania, 1914 Bokmålswikipedia
Kategori:Norske kyrkje- og undervisningsministrar Kategori:Statsrådar i Regjeringa Berge Kategori:Høgrestatsrådar Kategori:Stortingsrepresentantar 1913-1915 Kategori:Stortingsrepresentantar 1919-1921 Kategori:Stortingsrepresentantar 1922-1924 Kategori:Stortingsrepresentantar 1925-1927 Kategori:Stortingsrepresentantar frå Høgre Kategori:Stortingsrepresentantar for Vest-Agder Kategori:Ordførarar i Lista Kategori:Høgreordførarar i Vest-Agder Kategori:Lokalpolitikarar i Svelvik Kategori:Høgrepolitikarar i Vestfold Kategori:Norske gardbrukarar Kategori:Gravlagde på Vestre gravlund Kategori:Folk frå Farsund