Tremolitt er eit kvitt til grått mineral som tilhøyrer amfibolgruppa. Det er eit kalsium-magnesiumsilikat Ca2Mg5Si8O22(OH)2, og dannar ein blandkrystallserie med den jernrike aktinolitt. Det finst som stråleforma aggregat og i fibrig form (asbest). Det finst i lågmetarmorfe bergartar som dolomittmarmor (til dømes i Nordland) og talkskifer.
Tremolitt vart først skildra i 1789 etter ein førekomst i Campolungo i Piumognadalen i Leventina i Ticino i Sveits.
Kjelder Tremolitt. (2012, 21. januar). I Store norske leksikon. Henta 14. februar 2014 frå http://snl.no/tremolitt.
Bakgrunnsstoff
kategori:Kalsiummineral kategori:Magnesiummineral kategori:Asbest kategori:Amfibolgruppa kategori:Monokline mineral