Willy Lorang Rasmussen () var ein norsk friidrettsutøvar frå Kongsberg. Han spesialiserte seg i spydkast og var etter tur medlem av Bergkameratene og IK Tjalve. Rasmussen vart norsk meister i spydkast i 1958, 1959, 1961 og 1965. I 1961 vart han også nordisk meister i øvinga. Hans aller lengste kast oppnådde han på Bislett stadion i august 1961, då spydet landa på 84,18 meter.
Aktiv Rasmussen sette personleg rekord med 76,48 meter på Bislett stadion i juli 1958, slått av det norske spydesset Egil Danielsen med vel ein meter. I august vart Rasmussen norsk meister i spydkast, Danielsen vart skadd i fyrste kast og braut av tevlinga. Begge kvalifiserte seg i september månad til finalen under EM i Stockholm. Rasmussen vart der nummer 12 på moderate 68,63 m, medan Danielsen tok sølvmedaljen i meisterskapen.
I 1959-sesongen vart Rasmussen noregsmeister etter ein tett duell med Egil Danielsen, der begge stod for sterke prestasjonar. To år seinare tok han sitt tredje NM-gull med stor margin til andremann. Han vart også nordisk meister i øvinga i Oslo. Same sesongen slengde han spydet 84,18 meter og sette ein personleg rekord som låg nær verdstoppen.
Rasmussen deltok for Noreg i alle dei internasjonale meisterskapane i tida 1958 til -64. Etter tolvteplassen under europameisterskapen i 1958, fekk to år seinare han si beste plassering då han vart nummer fem i dei olympiske leikane i Roma. I 1962 kom han på niandeplass under EM i friidrett i Beograd, medan han ikkje lukkast å kvalifisere seg til OL-finalen i Tokyo 1964.
I 1964 vart Rasmussen sett i skuggen av landsmannen Terje Pedersen som forbetra verdsrekorden i spydkast to gongar. Under NM var Rasmussen likevel nær å ta gullmedaljen, då han var berre 14 cm bakom same Pedersen. Rasmussen heldt fram å sanke NM-medaljar i spydkast, den 12 kom i 1969. Samlinga av NM-medljar bestod då av 4 gull, 5 sølv og tre bronser.
Medaljar i norske meisterskap 1957: Sølv – 67,62 m, bakom Egil Danielsen (72,09 m) 1958: Gull – 71,33 m, framom Einar Røberg (65,84 m) 1959: Gull – 77,96 m, framom Egil Danielsen (75,98 m) 1960: Sølv – 68,47 m, bakom Terje Pedersen (74,18 m) 1961: Gull – 79,37 m, framom Bjørn Selvik (70,37 m) 1962: Sølv – 72,35 m, bakom Terje Pedersen (74,09 m) 1963: Bronse – 72,18 m 1964: Sølv – 78,81 m, bakom Terje Pedersen (78,95 m) 1965: Gull – 77,70 m, framom Harald Lorentzen (73,92 m) 1967: Bronse – 73,66 m 1968: Sølv – 76,86 m, bakom Arve Os (77,34 m) 1969: Bronse – 68,46 m
Plasseringar i internasjonale meisterskap EM 1958 i Stockholm: Nr 12 – 68,63 m OL 1960 i Roma: Nr 5 – 78,36 m Nordisk meisterskap 1961 i Oslo: Gullmedalje – 79, 16 m EM 1962 i Beograd: Nr 9 – 74,25 m OL 1964 i Tokyo: Utslått i kvalifiseringa (68,43 m – nr 20) Nordisk meisterskap 1965: Sølvmedalje – 80,72 m EM 1966 i Budapest: Utslått i kvalifiseringa (døde kast)
Kjelder Friidrett.no
Kategori:Norske spydkastarar Kategori:Noregsmeistrar i friidrett Kategori:Norske deltakarar under sommar-OL 1960 Kategori:Friidrettsutøvarar under sommar-OL 1960 Kategori:Norske deltakarar under sommar-OL 1964 Kategori:Friidrettsutøvarar under sommar-OL 1964 Kategori:Folk frå Kongsberg