Darkush (arabisk دركوش; òg skrive Darkoush eller Derkush) er ein by nord i Syria i Idlib guvernement, nordvest for Idlib langs grensa til Tyrkia ved elva Orontes. Av stader i nærleiken finn ein al-Janudiyah, Zarzur og al-Najiyah i sørvest, Jisr al-Shughur i sør og Millis og Maarrat Misrin i aust. I følgje Syrisk statistisk sentralbyrå, hadde Darkush eit folketal på 5 295 i 2004.Folketeljing 2004 . Syrisk statistisk sentralbyrå (CBS). Idlib guvernement. Byen er òg det administrative senteret i Darkush nahiyah som består av 19 landsbyar med eit samla folketal på 23 022. Innbyggjarane er hovudsakleg sunnimuslimar.Boulanger, 1966, s. 476.
Historie Ein inskripsjon i byen er datert attende til romartida og syner at det låg eit skipsverft i byen, som bygde elvebåtar som kunne nyttast på Orontes.Butcher, 2004, s. 133. Byen har òg restar av ei gammal bru. Kristninga av byen skjedde truleg etter 322.Trombley, 2001, s. 279.
Under krosstoga vart byen underlagt Fyrstedømet Antiokia fram til han vart erobra av Saladin i 1188. Byen fall attende til krossfararane under Bohemond VI av Antiokia og Tripoli i 1260.Molin, 2003, s. 68. Byen vart til slutt erobra attende av mamelukkane og sultanen Baibars i 1267. Ingenting er att etter festninga krossfararane bygde i byen, sidan steinen vart nytta til andre bygningar.Boulanger, ed., 1966, s. 477. Darkush vart vitja av den syrisk geografen Yaqut al-Hamawi i 1220-åra, under Ajjubide-dynastiet. Han noterte at han var ei «festning nær Antâkiyyah, i provinsen 'Awâsim».le Strange, 1890, s. 437.
Den 13. august 1822 vart byen og området rundt øydelagd i eit massivt jordskjelv. Skjelvet skal ha teke livet av 20 000 menneske.Barker, 2002, s. 322.
Moderne tid Tidleg i 1960-åra vart han skildra som ein stor landsby med 2 500 innbyggjarar og «ein av dei mest pittoreske» stadane i området av geografen og forfattaren Robert Boulanger.
Under den syriske borgarkrigen, som starta i mars 2011, vart Darkush erobra av opprørarar i november 2012.Syria rebels tighten noose around key Idlib city. France 24. Originally published by Agence France-Presse. 2013-02-05. Fram til då var byen stort sett delt politisk, der innbyggjarane i nord støtta opposisjonen, medan dei i sør stort sett støtta regjeringa. Øydelagde bygningar som tidlegare høyrte til tryggingsstyrkane, markerer skilje mellom dei to delane. Seint i januar var byen underlagt opprørarane og vart nytta som utgangspunkt for militæroperasjonar mot statlege stillingar i fjella i sør.Chulov, Martin. Inside the war for Syria's mountains. The Guardian. 2013-01-28.
Geografi Byen Darkush ligg i ein wadi i Orontesvassdraget, ved foten av an-Nusayriyah-fjella.Royal Geographic Society, 1886, s. 94.
Kjelder
Denne artikkelen bygger på «Darkush» frå , den 15. juni 2014. oppgav desse kjeldene:
Kategori:Busetnader i Jisr al-Shughur-distriktet Kategori:Byar i Syria