Apostrophe (') er det attande studioalbumet til Frank Zappa. Det kom ut 22. mars 1974 i både stereo og kvadrafonisk format. Ein forkorta versjon av den første songen på albumet, «Don't Eat the Yellow Snow», var den første singelen til Zappa som gjekk inn på salslistene då han nådde 86. plass. Apostrophe (') er det mestseljande albumet til Zappa i USA. Det selde til gullplate den 7. april 1976. Albumet nådde 10. plass på Billboard-lista, som vart den høgaste plasseringa til Zappa på lista.

Albumet held fram i same stil som det kommersielle gjennombrotet Over-Nite Sensation (1973), med ei blanding av korte songar som syner humoren og dei musikalske arrangementa til Zappa. Tekstane er ofte bisarre og obskure, utanom «Uncle Remus». Denne songen handlar, som den tidlegare songen «Trouble Every Day», om Zappa sine meiningar om rasedisharmoni.

Musikk Den første halvdelen av albumet følgjer laust eit kontinuerleg tema. «Don't Eat the Yellow Snow» og «Nanook Rubs It» fortel om ein draum songaren hadde då han såg seg sjølv som ein eskimo kalla Nanook.

Som med mange Zappa-album, var Apostrophe (') ei blanding av eldre og nyare innspelingar (det meste av Apostrophe (') (1974) og Over-Nite Sensation (1973) vart spelt inn samstundes). Dei eldre innspelingane er akkompagnementet for «Excentrifugal Forz» (spelt inn under Hot Rats-innspelinga) og «Uncle Remus» (frå The Grand Wazoo). Tittelsporet er frå innspelinga av The Grand Wazoo, og kanskje med nokre ekstra tillegg frå 1973.

Tittelsporet er ein instrumental jam med Cream-bassisten Jack Bruce og trommeslagaren Jim Gordon. Jack Bruce er på omslaget omtalt for å spele bassgitar og for å ha vore medlåtskrivar på tittelsporet.

Utgjeving og mottaking

Apostrophe vert rekna som eit av dei beste albuma til Zappa. Apostrophe (') (1974) og det føregåande Over-Nite Sensation (1973) vart spelt inn samstundes med dei same musikarane. Innspelinga vert dokumentert i ein episode av dokumentarserien Classic Albums som kom på DVD 1. mai 2007.

Innhald

Medverkande Musikarar Frank Zappa – vokal, gitar, bass, bouzouki Lynn – vokal, korvokal Robert «Frog» Camarena – vokal, korvokal Ruben Ladron de Guevara – vokal, korvokal Debbie – vokal, korvokal Ray Collins - korvokal Sue Glover – korvokal Kerry McNabb – korvokal, lydteknikar, remiksing Sal Marquez – trompet Ian Underwood – saksofon Napoleon Murphy Brock – saksofon, korvokal Bruce Fowler – trombone Don «Sugarcane» Harris – fiolin Jean-Luc Ponty – fiolin Ruth Underwood – perkusjon George Duke – klaverinstrument, korvokal Tony Duran – rytmegitar Tom Fowler – bassgitar Erroneous (Alex Dmochowski) – bassgitar Jack Bruce – bass på «Apostrophe'» Aynsley Dunbar – trommer Ralph Humphrey – trommer Johnny Guerin – trommer Jim Gordon – trommer på «Apostrophe» og «Excentrifugal Forz»

Produksjon Cal Schenkel – omslag, grafisk design Barry Keene – lydteknikar Ferenc Dobronyi – plateomslag Bob Ludwig – teknikar Paul Hof – teknikar Oscar Kergaives – teknikar Brian Krokus – teknikar Mark Aalyson – fotografi Steve Desper – lydteknikar Terry Dunavan – lydteknikar Zach Glickman – marketing Bob Hughes – lydteknikar

Salslister Album Billboard (Nord-Amerika) ÅrListePlassering1974Pop Albums10

Singlar SongListePeakposition«Don't Eat the Yellow Snow»Pop Singles86

Kjelder

Denne artikkelen bygger på «Apostrophe (')» frå , den 7. juni 2014. oppgav desse kjeldene:

Bakgrunnsstoff Tekst og informasjon Detaljar om utgjevinga

Kategori:Frank Zappa-album Kategori:Musikkalbum frå 1974 Kategori:DiscReet Records-album