Axinitt er ei gruppe mineral med gul, raudleg, fiolett eller brunleg farge som ofte finst som kileforma krystall med triklin symmetri.
Axinitt-(Fe) (ferroaxinitt) er funne mange stader i Noreg, og er forholdsvis utbreidd i grønsteinar og nærskylde bergartar i Den kaledoniske fjellkjeda. Gode axinitt-(Fe)-krystall på opptil fleire centimeter er funne til dømes på Kongsberg, Løkken-Hølonda-området og Utne. Axinitt-(Fe) og axinitt-(Mn) finst i kontaktmetasomatisk form i hornfels i Oslofeltet. Axinitt-(Mn) er kjent frå Årvoll i Oslo og dessutan Arendalsområdet som gulgrøne krystall. Axinittane er komplekse borosilikat, Ca2(Fe,Mn,Mg)Al2BSi4O15(OH). Axinitt-(Mg) er så langt ikkje påvist i Noreg.
Kjelder Axinitt. (2009, 27. februar). I Store norske leksikon. Henta 13. februar 2014 frå http://snl.no/axinitt.
Bakgrunnsstoff
kategori:Kalsiummineral kategori:Jernmineral kategori:Manganmineral kategori:Aluminiummineral kategori:Sorosilikat kategori:Triklinske mineral