Sawran (òg skrive Suran, Soran eller Sawwaran) er ein by nord i Syria i Aleppo guvernement, 22 kilometer nord for Aleppo. Av stader i nærleiken finn ein A'zaz i vest, al-Harjalah i nord, Mare' i sør og Tell Rifaat i sørvest. I følgje Syrisk statistisk sentralbyrå (CBS), hadde Sawran eit folketal på 6 988 i 2004.Folketeljing 2004. Syrisk statistisk sentralbyrå (CBS). Aleppo guvernement.
Historie Sawran har ei historie som går attende til jarnalderen då han var ein arameisk busetnad i kongedømet Bit Adini kalla «Surunu». I eit felttog mot Bit Adini-kongen Ahuni, plyndra og erobra den nyassyriske kongen Shalmaneser III Surunu.Bryce, 2009, s. 674-675. Han kom seinare under styret til den assyriske kongen Tiglath Pileser III.Lipinsky, 2000, s. 210-211.
Under den bysantinske tida i Syria var Sawran busett av det arabiske folket Tanukh. Før den muslimske erobringa var han eit senter for arabiske kristne og omfatta eit befesta kloster. Tidleg i det islamske styret var Sawran ein del av Jund Qinnasrin («Militær-distriktet Khalkis»), del av den større provinsen Bilad al-Sham.Shahid, 2009, s. 404.
Under den syriske borgarkrigen fann det stad to massakrar i byen av sivile som støtta opposisjonen til regimet. 20. mai 2012 blei 37 sivile drepne og 8. februar 2018 blei 30 sivile drepne. Den islamske staten (ISIS eller ISIL) tok kontroll over byen 31. mai 2015. 16. oktober 2016 tok opprørarar med støtte frå Tyrkia over byen frå ISIL.السيطرة على دابق تقضي على أهم ذرائع تنظيم “الدولة الإسلامية”.
Kjelder
Denne artikkelen bygger på «Sawran» frå , den 8. april 2014. oppgav desse kjeldene:
Kategori:Busetnader i Azaz-distriktet Kategori:Byar i Syria