Frode Fjellheim () er ein norsk sørsamisk musikar (piano og synthesizer) og vokalist (joik). Fjellheim er utdanna ved Trøndelag Musikkonservatorium (1980–84) og busett i Trondheim der han har vore frilansmusikar og komponist, bl.a. i oppsetningar ved Trøndelag Teater, med Rikskonsertane.
Han har skrive bestillingsverk til bl.a. Festspela i Nord-Noreg (2000) og Telemarkfestivalen (Sørsamar rundt Hardangervidda med bl.a. Transjoik, 2003), og Vinterfestuka i Narvik (Àhkunjárga eller Tøtta sitt ness, 2006).
Sidan 1997 har han òg komponert filmmusikk for NRK og Lars Rasmussen sine barnefilmar.
På 1990-talet gav han ut plater med «Jazz Joik Ensemble»; i dag er bandet kjent under namnet «Transjoik», som har fire plateutgjevingar. Fjellheim var òg med i «Tango Concertino».
Andre artistar han har samarbeidd med i plateutgjevingar er Iren Reppen, Annbjørg Lien, Sverre Porsanger, Ella Holm Bull, Tone Hulbækmo, Ulla Pirttijärvi og Kolbjørn Botten. Fjellheim driv òg eige musikkforlag, Vuelie.
Fjellheim komponerte opningslåten til Disney-filmen Frost (Frozen) frå 2013.
Utgjevingar Sangen vi glemte – Mijjen Vuelieh, (Iđut 1991) Frode Fjellheims Jazz Joik Ensemble, Saajve Dans (Iđut 1994) Joik for kor, (Vuelie 2002) Aejlies Gaaltije – den hellige kilden (Vuelie 2004) Med joik som utgangspunkt, (Vuelie 2004) Biejjien vuelie – Solkvad (2013)
Prisar og utmerkingar Statens arbeidsstipend (1993–1996) Spellemannprisen 2004 åpen klasse, for Aejlies Gaaltije – the Sacred Source Sør-Trøndelag fylkes kulturpris, 2007 Umeå sameforenings ærespris, 2007 Liv Ullmann-prisen, 2015 Hilmar Alexandersens musikkpris, 2015 Gammleng-prisen 2016 i åpen klasse
Kjelder
Bakgrunnsstoff vuelie.no, nettstaden hans
Kategori:Samiske musikarar Kategori:Norske jazzpianistar Kategori:Norske jazzkomponistar Kategori:Folk frå Vefsn Kategori:Vinnarar av Spellemannprisen Kategori:Sørsamar Kategori:Norske filmmusikkomponistar