Hans Hagerup Falbe ()var ein dansk-norsk statsråd, jurist, stiftamtmann og komponist. Etter juridisk embetseksamen og nokre år i arbeid i København kom han til Noreg da han vart utnemnd til justitiarius ved Akershus stiftsoverrett etter at Envold de Falsen døydde i 1808.
Mellom 1809 og 1815 var han justitiarius i Overkriminalretten i Kristiania. Han deltok ved stormannsmøtet på Eidsvoll den 16. februar 1814.
Frå 1815 til 1822 var Falbe amtmann i Akershus amt og stiftsamtmann i Akershus stiftamt og frå 1822 og til sin død var han statsråd.
Falbe var aktiv i det kulturelle og musikalske liv i Kristiania og i samtida sett på som ein dyktig komponist og dirigent. I 1810 vart han medstiftar av Det Musicalske Lyceum, hovudstadens første faste musikkselskap som han leia i sju år, fram til Waldemar Thrane tok over.
Statsrådpostar Frå 16. november 1822 vart han ved statsrådavdelinga i Stockholm, først konstituert, fast utnemnd frå 19. juli året etter.Statsrådslista etter Jan Debes: Det norske statsråd 1814–1949, Cammermeyer 1950. Han var leiar for Revisjonsdepartementet frå 21. mai 1824, ved statsrådavdelinga i Stockholm frå mai 1825, leiar for Marinedepartementet frå september 1826 og frå oktober 1827; ved statsrådsavdelinga i Stockholm. I september 1828 leiar for Revisjonsdepartementet att og frå november 1829 var han ved statsrådsavdelinga i Stockholm.
Utmerkingar Falbe var kommandør av Sverdordenen og riddar av Dannebrogordenen. Kjelder
Kategori:Stormannsmøtet på Eidsvoll Kategori:Norske statsrådar 1814-1884 Kategori:Norske revisjonsministrar Kategori:Medlemmar av Statsrådavdelinga i Stockholm Kategori:Norske amtmenn Kategori:Fylkesmenn i Oslo og Akershus Kategori:Norske komponistar Kategori:Dannebrogordenen Kategori:Sverdordenen Kategori:Folk frå København