miniatyr|Sørlege delar av Luangwa i Zambia. Luangwa (portugisisk Rio Aruângua) er ei elv i det sørlege Afrika og ei viktig tilførselselv til Zambezi. Elva er rundt 800 km lang, og er blant dei største elvane i Zambia. Ho byrjar ved grensa mellom Malawi og Zambia og dannar delar av grensa mellom Zambia og Mosambik nær slutten.
Luangwa har utspring nær Isoka i Zambia og renn rundt Muchingafjella. Mellom Luangwa i Zambia og Zumbo i Mosambik renn ho saman med Zambezi.
Elva er ei av dei største urørte elvane i sørlege Afrika, og dei rundt 50 000 kvadratkilometrane i den omgjevande dalen huser eit rikt dyreliv. Ho fløymer som regel over i regntida (desember-mars), medan vassmengda minkar kraftig i tørketida.Christine Eckstrom, «Waiting for thunder» , National Geographic
Kjelder
«Luangwa River», Encyclopædia Britannica. Encyclopædia Britannica Ultimate Reference Suite. Chicago, 2011.
Kategori:Elvar i Zambia Kategori:Elvar i Malawi Kategori:Elvar i Mosambik